Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կնքվեց երկկողմ համագործակցության հուշագիր 23.09.2020
ՀՀ Վայոց ձորի մարզպետ Արարատ Գրիգորյանի հանձնարարությամբ ս/թ սեպտեմբերի 19-ին մարզպետի տեղակալ Նանե Ասատրյանն ընդունեց Հայաստանի ֆիզիկական կուլտուրայի և սպորտի պետական ինստիտուտի ռեկտորի ժամանակավոր պաշտոնակատար, Մ.գ.թ., պրոֆեսոր Դավիթ Խիթարյանին: Հանդիպման ընթացքում ՀՀ Վայոց ձորի մարզպետարանի և հիմնադրամի միջև կնքվեց երկկողմանի համագործակցության հուշագիր, որի շրջանակներում կիրականացվեն գործնական աշխատանքներ՝ համատեղ հետազոտությունների անցկացման, ուսանողների պրակտիկաների կազմակերպման, համատեղ գիտական միջոցառումների կազմակերպման համատեքստում: Այն նոր համագործակցության սկիզբ է` միտված սպորտային տուրիզմի, ֆիզիկական կրթության և առողջ ապրելակերպի զարգացմանը: Հուշագրի ստորագրմանը ներկա էին ինստիտուտի սպորտային տուրիզմի և փրկարարական գործի ամբիոնի վարիչ Սուրեն Դանիելյանը և մարզպետարանի զարգացման ծրագրերի, զբոսաշրջության և վերլուծության բաժնի առանձին գործառույթներ համակարգող խորհրդական Աննա Սիմոնյանը: Քննարկվեցին մարզադպրոցների, մարզում գործող հանրակրթական դպրոցերի սպորտային ծրագրերի իրականացման խնդիրները և ֆիզիկական կուլտուրայի արդյունավետության բարձրացմանը, ինչպես նաև հանրային առողջության քարոզչության բարելավմանը վերաբերող հարցեր:
ՀՀ կառավարությունը ՈւԱԶ ամենագնաց մեքենա է տրամադրել Եղեգնաձորի բժշկական կենտրոնին 23.09.2020
ՀՀ կառավարությունը ՈւԱԶ ամենագնաց մեքենա է տրամադրել Եղեգնաձորի բժշկական կենտրոնին: ՀՀ Վայոց ձորի մարզպետի տեղակալ Նանե Ասատրյանը, մարզպետարանի առողջապահության և սոցիալական ապահովության վարչության պետ Վասիլ Ասլանյանը այցելեցին Եղեգնաձորի բժշկական կենտրոն, որտեղ գլխավոր բժիշկ Կարեն Ասատրյանի ուղեկցությամբ մասնակցեցին մեքենայի հանձնման արարողությանը և ծանոթացան ամենագնացի կահավորանքին: Այն հագեցած է շտապ և անհետաձգելի օգնություն ցուցաբերելու համար անհրաժեշտ ժամանակակից բժշկական սարքավորումներով և պարագաներով։ Մարզպետի տեղակալ Նանե Ասատրյանը շնորհավորեց հիվանդանոցի անձնակազմին, նշելով՝ ցանկանալի է, որ նմանատիպ ներդրումներն ավելի շատ լինեն և նպաստեն առողջապաhության ոլորտի ծառայությունները բարելվմանը:
ՀՀ Վայոց ձորի մարզում մարտի 16-ից սեպտեմբերի 22-ն ընկած ժամանակահատվածի տվյալներով հաստատվել է նոր տիպի կորոնավիրուսային հիվանդության (COVID 19) 400 դեպք:
ՀՀ Վայոց ձորի մարզպետարանի առողջապահության և սոցիալական ապահովության վարչության պետ Վասիլ Ասլանյանը, Հայաստանում ԱՄՆ դեսպան Լին Թրեյսին Արտակարգ իրավիճակների նախարարության և մարզային ամբուլատոր ծառայությունների ներկայացուցիչների հետ մասնակցեցին COVID19-ի դեմ պայքարում Հայաստանի ջանքերին աջակցելու նպատակով ԱՄՆ Եվրոպական հրամանատարության կողմից հատկացված բժշկական պարագաների փոխանցման և ընդունման արարողությանը։
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Անկախության օրվա առթիվ 21.09.2020
Սիրելի՛ հայրենակիցներ: Շնորհավորում եմ բոլորիս Հայաստանի Հանրապետության Անկախության տոնի առթիվ: Հայ ժողովրդի պատմության էջերում 1991 թվականի սեպտեմբերի 21-ը ոսկե տառերով է գրվել, որովհետև այդ օրը մեր ժողովուրդը միասնաբար > ասաց անկախության հանրաքվեին և ի լուր միջազգային կառույցների, մոլորակի այլ ժողովուրդների ու պետութունների հայտարարեց, որ վերստանձնում է սեփական երկրի ճակատագիրը տնօրինելու դժվարին, բայց պատվաբեր պատասխանատվությունը: 1991 թվականի սեպտեմբերի 21-ին այլևս իրականություն դարձավ անկախ պետականություն ունենալու հայ ժողովրդի դարավոր երազանքը, որպես անփոխարինելի արժեք և մեծագույն ձեռքբերում: Իհարկե, բոլորս գիտենք, որ 29 ամյա անկախության ուղին հայ ժողովրդի համար սկսվեց դժվարագույն աշխարհքաղաքական և տնտեսական իրավիճակով՝ 88-ի երկրաշարժի հետևանքով ավերված քաղաքներ ու գյուղեր և Արցախյան ազատամարտ, ինչպես նաև ետխորհրդային բոլոր պետություններին բաժին ընկած քայքայված տնտեսություն ու դրան ածանցյալ սոցիալական ծանր իրավիճակ: Բայց հայ կամավորականների,
ՀՀ Վայոց ձոր մարզը Արարատի մարզի մանրամեծածախ շուկայում կայացած հանրապետական Բերքի տոնին ներկայացավ վայոցձորցիների ստեղծած բերք ու բարիքով՝ մարզում արտադրված գյուղմթերքներով, ինչպես նաև վերամշակված բնամթերքով: Մարզի յուրաքանչյուր համայնք ներկայացրել էր իր տաղավարը: Ցուցադրությանը առանձին հմայք էին հաղորդում մշակութային տաղավարները, որոնք աչքի էին ընկնում Վայոց ձորի մարզին բնորոշ մշակութային կոլորիտով։ Շնորհակալություն կազմակերպիչներին և
