Տեղեկատվական կենտրոն
Նորություններ
Փոփոխվել են դպրոցականների ձմեռային արձակուրդի ժամկետները 08.01.2021
ՀՀ կրթության, գիտության, մշակույթի և սպորտի նախարարությունը տեղեկացնում է, որ փոփոխվել են դպրոցականների ձմեռային արձակուրդի ժամկետները: Համաձայն ՀՀ ԿԳՄՍ նախարարի դեկտեմբերի 30-ի N 49-Ն հրամանի՝ 1-ին և 2-րդ դասարանցիների ձմեռային արձակուրդը կտևի մինչև հունվարի 10-ը, ինչպես սահմանված էր 3-12-րդ դասարանների սովորողների դեպքում: Այսինքն՝ բոլոր աշակերտների համար դասապրոցեսը կվերսկսվի հունվարի 11-ից՝ հաշվի առնելով աշնան ամիսներին ունեցած մեկ ամիս դադարը, կորոնավիրուսային հիվանդության դեպքերի՝ ներկայումս նվազող թվերը և առաջիկա ամիսներին կանխատեսվող հնարավոր նոր ալիքը:
Տարեվերջյան ուղերձ 31.12.2020
Սիրելի' հայրենակիցներ, Մի քանի ժամից միասին կշրջենք 2020 թվականի էջը: Մենք պատմությանը պահ կտանք մի տարեթիվ, որը բոլորիս հիշողություններում մնալու է որպես ցավալի կորուստների դժվարագույն ժամանակաշրջան: Այո՛, մենք փակելու ենք մեր պատմության այդ ցավոտ էջը, բայց երբեք չենք մոռանալու մեր սրտի ցավը, մեր հոգու կսկիծը; Փորձելու ենք շարունակել մեր կյանքի ճանապարհը` դասեր քաղելով մեր պատմության այս դառն իրականությունից: Սիրելինե'րս, մեր կորուստներն ու դժվարությունները չպետք է թուլացնեն մեզ, այլ պետք է ստիպեն՝ ավելի համախմբվելու, ուժեղանալու, բռունցքվելու և պայքարելու հանուն մեր երկրի վաղվա օրվա, հանուն մեր սերունդների խաղաղ ու բարեկեցիկ կյանքի, հանուն մեր երեխաների երջանիկ ապագայի: Այո՛, մենք իրավունք չունենք թուլանալու, այլ պետք է բազմապատկենք մեր ուժերը, վերականգնենք մեր երկրի խաղաղ գոյատևելու իրավունքը, շենացնենք մեր գյուղերն ու քաղաքները, ապրենք ու շարունակենք իրականացնել այն բոլոր ծրագրերը, որոնք մեր հերոսներ ըձեռնարկել էին, բայց անավարտ մնացին: Պետք է շարունակել մեր հերոսների կիսատ գործերը՝ դա է պահանջում հանուն հայրենիքի զոհված մեր սուրբ նահատակների հիշատակը, մեր վիրավոր զինվորների ու կամավորների անկոտրում կամքը: Պատմության ընթացքն անկասելի է: Ուստի անհրաժեշտ է ուղղել կորացած մեջքն ու շարունակել մեր երկրի պատմությունը՝ սրբագրելով սխալները, շտկելով բացթողումները: Խորին խոնարհումս՝ մեր հերոսների պայծառ հիշատակին: Իմ վշտակցությունն ու զորակցությունն եմ հայտնում սուրբ նահատակների ընտանիքներին ու հարազատներին: Համբերություն անհետ կորած և գերության մեջ գտնվող մեր հայրենակիցների ծնողներին ու բարի վերադարձ նրանց: Շուտափույթ ապաքինում և առողջություն մեր վիրավորներին: Մաղթում եմ, որ գալիք 2021 թվականը մեր մարզի, մեր երկրի և ողջ հայության համար լինի խաղաղության, առողջության ու ազգային վերքերի ամոքման տարի: Աստված պահապահ բոլորիս: Սիրով ու հարգանքով՝ ՀՀ Վայոց ձորի մարզպետ Արարատ Գրիգորյան
Գլաձորի համայնքապետարանը հրավիրում է համայնքային սեփականություն հանդիսացող հողերի աճուրդի և վարձակալության մրցույթի, որը տեղի կունենա Գլաձորի համայնքապետարանում 2021 թվականի փետրվարի 1-ին, ժամը՝ 11:00-ին: Հայտարարությանը ծանոթանալ
Ներկայացնում ենք ՀՀ Վայոց ձորի մարզի համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերով իրականացվող աշխատանքների մասին տեղեկատվություն: Այն վերաբերում է Եղեգնաձորի քաղաքային համայնքում իրականացված ծրագրերին: Եղեգնաձոր քաղաքի Նոր ավան թաղամասի (Այգեձորի փողոց, Այգեձորի 1-ին նրբանցք, Սյունիքի 1-ին նրբանցք,Պռոշյան փողոց, Պռոշյան 1-ին և 2-րդ նրբանցքներ) լուսավորության ցանցի կառուցմա աշխատանքներն ավարտվել են: Տեղադրվել է 145 լուսարձակ: Բաղրամյան, Կամոյի (Երևանյան խճուղուց մինչև Վ. Գևորգյան), Աթարբեկյան (Մյասնիկյան-Արսենյան խաչմերուկից 280 մ երկարությամբ) փողոցների լուսավորության ցանցի կառուցման ծրագրի կատարման պայմանագիրը կնքվել է 2020 թվականի դեկտեմբերի 15-ին, աշխատանքները կսկսվեն 2021 թվականին։ Քաղաքի Ալավերդյան, Կամոյի
Մեկնարկեց դպրոցականների ձմեռային արձակուրդը 28.12.2020
Այսօրվանից մեկնարկեց դպրոցականների ձմեռային արձակուրդը՝ 3-12-րդ դասարանների սովորողներին ձմեռային արձակուրդը կտրվի 2020 թ. դեկտեմբերի 28-ից 2021 թ. հունվարի 10-ը ներառյալ: Առաջին դասարանցիները ձմեռային արձակուրդում կլինեն 2020 թ. դեկտեմբերի 28-ից 2021 թ. հունվարի 24-ը ներառյալ, իսկ երկրորդ դասարանցիները՝ 2020 թ. դեկտեմբերի 28-ից 2021 թ. հունվարի 17-ը ներառյալ:Ավելին՝
2020 թվականը դժվարություններով, մարտահրավերներով լեցուն, կորուստների ծանր տարի էր: Նախ COVID 19-ի, ապա Արցախյան երկրորդ պատերազմի հետևանքով առաջացած մարտահրավերներն առողջապահական, սոցիալական, կրթական և այլ ոլորտներում հրատապ արձագանք և լուծումներ էին պահանջում; Տարեսկզբին առաջացած առողջապահական խնդիրներին ավելացան պատերազմի հետևանքները՝ Արցախից Հայաստան տեղափոխված մեր հազարավոր հայրենակիցներին կենսական առաջնային պայմաններ ապահովելու խնդիրները: Բազմապատկված սոցիալական և տնտեսական խնդիրներին ավելացան Վայոց ձոր տեղափոխված արցախցի երեխաների կրթության, զբաղվածության ապահովման և բժշկական օգնություն տրամադրելու հարցերը, ինչպես նաև զոհված մեր հերոսների ընտանիքների ու վիրավոր մեր հայրենակիցների կողքին լինելը: Մարզպետարանը նախ արտակարգ, ապա նաև ռազմական դրությունների ընթացքում համապատասխան ընթացակարգերով, ստեղծված սոցիալական աջակցության շտաբի, մարզպետարանի առողջապահության, կրթության, ընտանիքի, կանանց և երեխաների հիմնահարցերով զբաղվող ստորաբաժանումների աշխատակիցների, ինչպես նաև
