Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի ուղերձը Բանակի օրվա առթիվ 28.01.2021
Սիրելի՛ հայրենակիցներ, 1992 թվականից հայ ժողովուրդը սիրով և ամենայն գուրգուրանքով է սպասել հունվարի 28-ին ու տոնական միջոցառումներով նշել Հայոց բանակի օրը: Բանա՛կ, որ ստեղծվեց Արցախյան ազատամարտի ամենադժվար պահերին՝ թշնամու դեմ քաջաբար մարտնչող հայ կամավորական խմբերի հիմքով: Բանա՛կ, որ Արցախյան առաջին պատերազմում համոզիչ ձևով կռեց ազատամարտի հաղթանակն ու շարունակեց իր հաղթական ուղին՝ 2016 թվականի ապրիլյան և 2018 թվականի հունիսյան սահմանային բախումների ընթացքում՝ անառիկ պահելով հայոց պետականության սահմանները: Ցավոք 2020 թվականի սեպտեմբերի 27-ին Ադրբեջանի կողմից սանձազերծված Արցախյան պատերազմում ունեցանք ծանր կորուստներ, որի ընթացքում էլ, անգամ, թշնամու և հայոց բանակի անհավասար պայքարում, հայ զինվորներն ու սպաները, կամավորական խմբերի մարտիկները գործեցին անհավատալի սխրանքներ, ցուցաբերեցին աներևակայելի խիզախություն: Այսօր մեր պարտքն է ցուցաբերել խնամք ու հոգատարություն հայ զինվորին ու սպային, ողջ ազգով սատար լինել հայոց բանակին, հզորացնել ազգային բանակը և վերականգնել մեր բանակի
Հունվարի 27-ին ՀՀ Վայոց ձորի մարզպետ Արարատ Գրիգորյանն ընդունեց (ՀԱՆ) բարեգործական կազմակերպության հայաստանյան գրասենյակի տնօրեն Նունե Եղիազարյանին: Հանդիպմանը մասնակցում էին ՀԱՆ բարեգործական հիմնադրամի ծրագրերի իրականացման ղեկավար Վարվառա Քալաշյանը, մարզպետարանի առողջապահության և սոցիալական ապահովության վարչության պետի տեղակալ Լիլիա Կարապետյանը և հայ-ամերիկյան բարեգործական կազմակերպության հիմնադիրներին և ողջ անձնակազմին, մարզային ակնաբուժական կենտրոն հիմնելու և այն գերժամանակակից սարքավորումներով ապահովելու, ինչպես նաև
Հայոց բանակի կազմավորման 29-րդ տարեդարձին նվիրված միջոցառում՝ Եղեգնաձորի երաժշտական դպրոցում 27.01.2021
Հայոց բանակի կազմավորման 29-րդ տարեդարձի կապակցությամբ հունվարի 27-ին ՀՀ Վայոց ձորի մարզպետ Արարատ Գրիգորյանի, Վայոց ձորի թեմի առաջնորդի, հանրապետության ուժային մարմինների մարզային կառույցների ղեկավարների մասնակցությամբ Եղեգնաձորի երաժշտական դպրոցում տեղի ունեցավ համերգ-միջոցառում: Մարզպետ Արարատ Գրիգորյանը բանակի կազմավորման 29-րդ տարեդարձի առիթով հայ զինվորներին և սպաներին մաղթեց ուժ, կորով ու տոկոնություն, նշելով, որ պատերազմի արդյունքը չպետք է հուսահատեցնի Հայոց բանակին և հայ զինվորին, առավել ևս հայ ժողովրդին, այլ առիթ պիտի դառնա ստեղծված իրավիճակից դասեր քաղելու, ավելի համախմբվելու, ուժեղանալու և շտկելու թույլ տված սխալներն ու բացթողումները : Արարատ Գրիգորյանը խոնարհումի ու հիշատակի խոսքեր ասաց, ուղղված Արցախյան երկրորդ պատերազմում նահատակված մեր զինվորների հիշատակին: Օրհնության խոսքով հանդես եկավ Վայոց ձորի թեմի Առաջնորդ, Գերաշնորհ Տ. Աբրահամ արքեպիսկոպոս Մկրտչյանը : Համերգի սկզբում ներկաները մեկ րոպե լռությամբ հարգեցին պատերազմական գործողություններին զոհ գնացած բոլոր հայորդիների հիշատակը: Հնչեցին հայրենասիական երգեր և գործիքային կատարումներ: Միջոցառումից հետո ներկաներն այցելեցին Եղեգնաձորի Սուրբ Աստվածածին եկեղեցի և մասնակցեցին Վայոց ձորի թեմի առաջնորդի ձեռամբ մատուցվող Սուրբ Պատարագին: Վերջում կատարվեց մոմավառություն:
Վարորդներին խորհուրդ է տրվում երթևեկել բացառապես ձմեռային անվադողերով 26.01.2021
ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ Վայոց ձորի մարզի Սարավան- և Սյունիքի մարզի բոլոր ավտոճանապարհներին տեղ-տեղ առկա է մերկասառույց: Վարորդներին խորհուրդ է տրվում երթևեկել բացառապես ձմեռային անվադողերով։
Հերթական աշխատանքային խորհրդակցությունը՝ ՀՀ Վայոց ձորի մարզպետ Արարատ Գրիգորյանի մոտ 26.01.2021
Հունվարի 25-ին ՀՀ Վայոց ձորի մարզպետ Արարատ Գրիգորյանի մոտ կայացավ աշխատանքային հերթական խորհրդակցությունը: Քննարկվեցին՝ -Արցախյան պատերազմում զոհված զինծառայողների, անհետ կորածների և վիրավորների խնդիրներին, առանձնապես՝ կարիքների գնահատման նպատակով տնայցերի կամակերպմանը, -Վայոց ձորում ժամանակավորապես բնակվող արցախցիների զբաղվածության ապահովմանը, -քաղաքաշինական և վերանորոգման ծրագրերի նախագծման խնդիրներին, - մարզի տարածքով անցնող Մ2 մայրուղու եզրերին կառուցված ինքնակամ շինությունների ճակատագրին, -անասնագլխաքանակի հաշվառման արդյունքներին և թվաքանակի սպասվելիք նվազմանը (գարնանը 2 ֆերմերներ ետ են վերադառնալու Արցախ) , -սուբվենցիոն ծրագրերի հայտերի ներկայացման ժամանակացույցին և ծրագրեր ներկայացնելու նախապայմանին՝ համայնքների ֆոնդային բյուջեներում գումարների առկայությանը, -դպրոցականների առարկայական օլիմպիադայի անցկացման ընթացքին,
Ներկայացնում են մարզպետարանի ստորաբաժանումները 26.01.2021
ՀՀ Վայոց ձորի մարզպետարանի կրթության, մշակույթի և սպորտի վարչությունից տեղեկացնում են, որ Վայոց ձորում մեկնարկել է դպրոցականների առարկայական օլիմպիադայի մարզային փուլը: ՀՀ Վայոց ձորի մարզպետ Արարատ Գրիգորյանի որոշմամբ հաստատվել է օլիմպիադայի կազմկոմիտեի և առարկայական հանձնաժողովների կազմը: Օլիմպիադայի արդյունքների մասին առարկայական հանձնաժողովների տրամադրած տեղեկանքները կտեղադրվեն մարզպետարանի պաշտոնական կայքէջում: Ներկայացնում ենք օլիմպիադայի անցկացման ժամանակացույցը:
