Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Միջոցառում Աղավնաձոր բնակավայրում 23.04.2021
Այսօր Արենի համայնքի Աղավնաձոր բնակավայրում տեղի ունեցավ 44-օրյա պատերազմում զոհված զինծառայողներին նվիրված միջոցառում: Միջոցառմանը ներկա էին ՀՀ Վայոց ձորի մարզպետը, Արենի համայնքի ղեկավարը, ՀՀ ՊՆ զորակոչային և զորահավաքային համալրման ծառայության Վայոց ձորի տարածքային ստորաբաժանման ղեկավարը, ՀՀ ԱԱԾ Վայոց ձորի մարզային վարչության պետը, ՀՀ ոստիկանության Վայոց ձորի մարզային վարչության պետը, ՀՀ ՊՆ ռազմական ոստիկանության պետը, ՀՀ քննչական կոմիտեի ՎՁՄ քննչական վարչության պետը և այլ հյուրեր: Մերօրյա հերոսներին նվիրված միջոցառումն ազդարարվել է Հայաստանի Հանրապետության օրհներգով և հարգանքի տուրքով:
<Իրենց կյանքով՝ հանուն կյանքի> խորագրով միջոցառում Գետափի միջնակարգ դպրոցում 23.04.2021
Ապրիլի 23-ին Գետափի միջնակարգ դպրոցում տեղի ունեցավ խորագրով միջոցառում` նվիրված Արցախյան 44-օրյա պատերազմի ժամանակ զոհված զինվորներին: 44-օրյա պատերազմը մեր սրտերում թողեց չսպիացող վերքեր, որոնք չեն բուժվում և ոչ մի խոսքով: Միայն մեր աշխատանքով և մեր նվիրումով կարող ենք ապացուցել, որ ամուր ենք կանգնած մեր հերոսների կողմից քաջաբար և այդքան թանկ գնով պաշտպանված հողում:
<Առաջին օգնության> թեմայով դասընթաց ՀՀ Վայոց ձորի մարզպետարանի աշխատակիցների համար 21.04.2021
ՀՀ Վայոց ձորի մարզպետարանի և Հայկական Կարմիր խաչի ընկերության միջև ձեռք բերված պայմանավորվածության համաձայն մարզպետարանի աշխատակիցները ապրիլի 20-ին և 21-ին մասնակցել են թեմայով դասընթացին։ Դասընթացը վարել են Հայկական Կարմի խաչի ընկերության ԱՕ հրահանգիչներ Վազգեն Բեջանյանը և Գարիկ Սահակյանը: Այն ուղղված էր կյանքեր փրկելու համար առաջին օգնության գործնական գիտելիքների և հմտությունների ձեռքբերմանը, ինչպես նաև թեմայի վերաբերյալ իրազեկվածության բարձրացմանը:
<Թումո> կենտրոնի ծրագիրը հասանելի կդառնա Վայոց ձորի երիտասարդների համար 21.04.2021
Ապրիլի 21-ին Վայոց ձորի մարզպետ Արարատ Գրիգորյանն ընդունել է ստեղծարար տեղեկատվական կենտրոնի ներկայացուցիչներին՝ կենտրոնի գործարկման ղեկավար Անուշ Աբգարյանին, ճարտարապետների թիմի ղեկավար Շահե Սիմոնյանին և նախագծերի ճարտարապետ Լուսինե Ղուշչյանին: Ողջունելով ներկաներին` Արարատ Գրիգորյանը ընդգծեց մարզի երիտասարդության կրթության զարգացման ոլորտում ծրագրի հասանելիության կարևորությունը, և նշեց, որ երկկողմ ջանքերի համադրման շնորհիվ հնարավոր կլինի կառուցողական կերպով աշխատել այդ ծրագրի շուտափույթ իրականացման ուղղությամբ:
ԱՄԷ-ն հումանիտար օգնություն է տրամադրել ՀՀ Վայոց ձորի մարզի սոցիալապես անապահով ընտանիքներին 20.04.2021
Էմիրաթական կարմիր մահիկ կազմակերպությունը ՀՀ-ում ԱՄԷ դեսպանության միջոցով իրականացնում է 2021թ․ Ռամադան ամսվա ամենամյա նախագիծը՝ ՀՀ-ի 9 մարզերում կորոնավիրուսի տնտեսական ազդեցությունից տուժած մոտ 830 ընտանիքի տրամադրելով առաջին անհրաժեշտության սնունդ պարունակող արկղեր։ Էմիրաթական Կարմիր Մահիկ բարեգործական կազմակերպության հետ համագործակցության շրջանակներում ռամադան ամսվա ընթացքում իրականացվող նախագծի համաձայն՝ ապրիլի 19-ին, սնունդ պարունակող արկղեր են տրամադրվել ՀՀ Վայոց Ձորի մարզպետարանին` սոցիալապես անապահով 100 ընտանիքներին բաժանելու նպատակով
ՀՀ Վայոց ձորի մարզը և ՌԴ Նիժեգորոդի մարզը նշում են հարաբերությունների հաստատման 10 ամյակը 20.04.2021
Ի սրտե շնորհավորում ենք ՀՀ Վայոց ձորի և ՌԴ Նիժեգորոդի բնակչությանը՝ մարզերի միջև համագործակցության հաստատման 10-ամյակի կապակցությամբ: 2011թ. ապրիլի 19-ին Հայաստանի Հանրապետության Վայոց ձորի մարզպետարանը և Ռուսաստանի Դաշնության Նիժեգորոդի մարզի կառավարությունը կնքել են առևտրատնտեսական, գիտատեխնիկական և մշակութային համագործակցության մասին համաձայնագիր:
