Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
2021 թվականի մայիս ամսվա ընթացքում Վայոց ձորի մարզի ծննդօգնություն իրականացնող բուժհաստատություններում ընդունած ծնունդների մասին` ըստ տարածաշրջանների.
Երեխաների պաշտպանության միջազգային օրը Եղեգնաձոր քաղաքում 01.06.2021
Հունիսի 1-ին ողջ աշխարհը տոնում է Երեխաների պաշտպանության միջազգային օրը: Այն ամբողջ աշխարհում նշվող ամենահին տոներից մեկն է, որը խոսում է երջանիկ և անհոգ մանկության կարևորության ընդհանուր ըմբռնման մասին: Տոնը ստեղծվել է, որպեսզի համաշխարհային հանրությանը հիշեցնի երեխաներին պատերազմներից պաշտպանելու, նրանց իրավունքները հարգելու և նրանց առողջության ու անհոգ մանկության ապահովման անհրաժեշտությունը: Երեխաների պաշտպանության միջազգային օրվա առթիվ՝ հունիսի 1-ին միջոցառում է անցկացվել Վայոց ձոր մարզի Եղեգնաձոր քաղաքում: ամառային ճամբարի սաների կողմից կազմակերպված միջոցառմանը ներկա էին ՀՀ Վայոց ձորի մարզպետ Արարատ Գրիգորյանը և մարզպետի խորհրդական Արմեն Դավթյանը: Երեխաներն իրենց ուրախ կատարումներով, երգ ու պարով և կրթության հանդեպ սիրով ևս մեկ անգամ ապացուցեցին, որ ի դեմս իրենց մենք ունենք խելացի և հզոր սերունդ:
Ալեն Սարգսյանի անվան դասասենյակի անվանակոչում Վայքի հիմնական դպրոցում 01.06.2021
2021թ. հունիսի 1-ին Վայքի հիմնական դպրոցում տեղի ունեցավ դասասենյակի անվանակոչման արարողություն՝ ի պատիվ դպրոցի նախկին աշակերտ Ալեն Սարգսյանի և նրա սխրագործության: 2019թ. հունիսի 1-ին Վայոց ձորի Արփա գետում իր կյանքի գնով Ալեն Սարգսյանը մահվան ճիրաններից փրկեց ընկերոջ կյանքը՝ աշխարհին ի ցույց դնելով խիզախության և ընկերասիրության վառ օրինակ:
Վայոց ձոր մարզը մասնակցեց <Ճանաչիր Հայաստանը> զբոսաշրջային երկօրյա ցուցահանդեսին 31.05.2021
ՀՀ Էկոնոմիկայի նախարարության Զբոսաշրջության կոմիտեի նախաձեռնությամբ մայիսի 27-28-ին Երևան քաղաքում՝ Խաչքարերի պուրակում, կարգախոսի ներքո տեղի ունեցավ ներկայացնող զբոսաշրջային միջոցառում: Ներկայացված էր նաև Վայոց ձորի մարզը: Միջոցառմանը մասնակցել է ՀՀ վայոց ձորի մարզպետ Արարատ Գրիգորյանը, ով շրջայց է կատարել և ծանոթացել տաղավարներին: Միջոցառման նպատակն էր` ներկայացնել Հայաստանի յուրաքանչյուր մարզի զբոսաշրջային ներուժը և խթանել դեպի մարզեր այցելությունների աճը` ներկայացնելով մարզերն ավելի գրավիչ և ճամփորդելի ներքին զբոսաշրջիկի համար:
ՀՀ Վայոց ձորի մարզպետ Արարատ Գրիգորյանն այսօր շնորհակալագրեր է հանձնել Վայոց ձորի մարզպետարանի հիմնադրման օրվանից մարզպետարանում աշխատող 15 աշխատակիցների՝ 25-ամյա բարեխիղճ աշխատանքի և բարձր մասնագիտական որակների համար: Շնորհավորելով մարզպետարանի աշխատակազմին՝ Արարատ Գրիգորյանը շնորհակալություն է հայտնել աշխատակիցներին՝ մարզի տարածքային կառավարման և զարգացման գործընթացում ակտիվ գործունեության, ներդրած ավանդի և բարեխիղճ աշխատանքի համար:
Սիրելի' հայրենակիցներ, Այսօր նշում ենք Հանրապետության տոնը՝ Հայաստանի Առաջին Հանրապետության հիմնադրման 103-րդ տարեդարձը: 1918թ. Սարդարապատի, Բաշ-Ապարանի, Ղարաքիլիսայի հաղթական հերոսամարտերը բեկումնային դարձան հայոց հաղթական պատմության կերտման ճանապարհին: Մայիսյան հերոսամարտերը փրկեցին հայոց երկիրը կործանումից, իսկ հայ ժողովրդին հաղորդեցին հույս և վստահություն՝ սեփական ուժերի և ապագայի նկատմամբ։ Այս պատերազմներում հայ ժողովրդը պայքարում էր հայրենիքի, հայ մնալու և ազգային ինքնության պահպանման համար, ուստի թշնամին ի զորու չեղավ հաղթանակ տանել և ստիպված ճանաչեց Հայաստանի անկախությունը: 1918թ. մայիսի 28-ին Հայոց ազգային խորհուրդը հայտարարեց անկախ Հայաստանի Հանրապետության վերականգնման օր: Հայ ժողովրդի միասնականության և անկոտրում ոգու շնորհիվ իրականություն դարձավ անկախ և ինքնիշխան պետականություն ունենալու հայոց դարավոր իղձը: Չնայած Առաջին Հանրապետության գոյատևման կարճ ժամանակահատվածին, այն կարողացավ լուրջ նախադրյալներ ստեղծել երկրի զարգացման համար, իսկ հայ ժողովրդին հաղորդեց հույս և
