Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզային այցերի շրջանակում Եղեգնաձոր համայնք էր այցելել ՀՀ ԱԺ պատգամավոր Արսեն Թորոսյանը 03.11.2021
Ս/թ նոյեմբերի 3-ին ՀՀ Վայոց ձորի մարզպետ Արարատ Գրիգորյանի, մարզպետի տեղակալ Դավիթ Սարգսյանի, Եղեգնաձոր համայնքի ղեկավարի պաշտոնակատար Մուշեղ Ներսիսյանի և մարզպետարանի համապատասխան վարչության պետերի ուղեկցությամբ ԱԺ պատգամավոր, Առողջապահության նախկին նախարար Արսեն Թորոսյանն այցելել է Եղեգնաձորի բժշկական կենտրոնի նոր կառուցվող շենքի շինհրապարակ, շրջել և ծանոթացել շինարարական աշխատանքների ընթացքին և կատարման որակին: Տեղում իրականացվել են որոշակի ճշգրտումներ՝ ժամկետների և շինարարության առանձնահատկությունների վերաբերյալ։
Հոկտեմբերի 30-ին ՀՀ Վայոց ձորի մարզպետ Արարատ Գրիգորյանը և Եղեգնաձոր համայնքի ղեկավարի նորանշանակ պաշտոնակատար Մուշեղ Ներսիսյանը ճամբարում հանդիպեցին ծրագրի մասնակից Եղեգնաձոր և Մալիշկա համայնքների երիտասարդների հետ: Հանդիպման ընթացքում նրանք զրուցեցին երիտասարդների հետ և քննարկեցին երիտասարդությանը հուզող տարաբնույթ հարցեր։
Ս/թ նոյեմբերի 1-ին ՀՀ Վայոց ձորի մարզպետ Արարատ Գրիգորյանի, Եղեգնաձոր համայնքի ղեկավարի պաշտոնակատար Մուշեղ Ներսիսյանի և համապատասխան մասնագետների ուղեկցությամբ ՀՀ ԱԺ պատգամավոր Տրդատ Սարգսյանը և ՀՏԶՀ գործադիր տնօրեն Արթուր Սողոմոնյանը շրջել են Եղեգնաձոր համայնքի թիվ 1 դպրոցի նոր կառուցվող շենքի շինհրապարակում և ծանոթացել շինաշխատանքների ընթացքին և կատարման որակին: Նշենք, որ դպրոցի կառուցումն իրականացվում է Հայաստանի տարածքային զարգացման հիմնադրամի միջոցով, ՀՀ կառավարության և Ասիական զարգացման բանկի միջոցներով և այժմ էլ աշխատանքներն ակտիվ ընթացքի մեջ են։
ՀՀ Վայոց ձորի մարզի ծննդօգնություն իրականացնող բուժհաստատություններում 2021 թվականի հոկտեմբեր ամսվա ընթացքում ընդունված ծնունդների մասին` ըստ տարածաշրջանների
Վայոց ձորի մարզպետի տեղակալ Դավիթ Սարգսյանն այցելել է Արատեսի դպրական կենտրոն 01.11.2021
Ս/թ հոկտեմբերի 30-ին կրթահամալիրի տնօրինության հրավերով ՀՀ շրջակա միջավայրի նախարար Ռոմանոս Պետրոսյանը և Վայոց ձորի մարզպետի տեղակալ Դավիթ Սարգսյանն այցելել էին Վայոց ձորի մարզի Արատես գյուղում գտնվող կրթահամալիրի ճամբարային դպրական կենտրոն: Գեղեցիկ ու տրամադրող միջավայրում՝ խարույկի շուրջ նախարարի, փոխմարզպետի, կրթահամալիրի սաների, ուսուցչական կազմի, Հայաստանի ազգային ագրարային համալսարանի Ագրոնոմիական ֆակուլտետի դեկանի, ՊՈԱԿ-ի ներկայացուցիչների, Բնության և մշակութային արժեքների պահպանման հիմնադրամի (FPWC) տնօրենի և անտառագետ մասնագետների մասնակցությամբ տեղի ունեցավ բնապահպանական և շրջակա միջավայրի ոլորտի հիմնախնդիրների վերաբերյալ քննարկում։
Ս/թ հոկտեմբերի 28-ին ՀՀ Վայոց ձորի մարզպետի տեղակալ Դավիթ Սարգսյանը, Եղեգնաձոր համայնքի ղեկավարի նորանշանակ պաշտոնակատար Մուշեղ Ներսիսյանը համապատասխան մասնագետների հետ շրջել են համայնքում, ծանոթացել պետություն-համայնք համաֆինանսավորմամբ Վայոց ձորի մարզի համայնքների տնտեսական և սոցիալական ենթակառուցվածքների զարգացմանն ուղղված ՀՀ կառավարության 2021 թվականի սուբվենցիոն ծրագրերի շրջանակներում Եղեգնաձոր համայնքում իրականացված և իրականացվելիք աշխատանքներին: Նրանք եղել են քաղաքի այն փողոցներում, որտեղ իրականացվել կամ իրականացվում են նորոգման աշխատանքներ և տեղում ծանոթացել իրավիճակին: Նշենք, որ • Ալավերդյան փողոցում նորգման աշխատանքներն ավարտվել են, ընթանում է հանձնման-ընդունման փաստաթղթավորում:
