Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանը, ՀՀ ԱԱԾ Վայոց ձորի մարզային վարչության պետ Կոլյա Միքայելյանի, ՀՀ ոստիկանության Վայոց ձորի մարզային վարչության Եղեգնաձորի ոստիկանության բաժնի պետ Հրազդան Կոստանյանի, ՀՀ ԱԻՆ ՓԾ Վայոց ձորի մարզային փրկարարական վարչության պետ Հակոբ Սարգսյանի, ՀՀ ՊՆ Զ և ԶՀԾ ՎՁՄ տարածքային ստորաբաժանման ղեկավարի տեղակալ Սիփան Հայրապետյանի, մարզպետարանի գլխավոր քարտուղար Արսեն Կարապետյանի հետ Հայաստանի Հանրապետության անկախության 30-ամյակի կապակցությամբ այցելեցին և հարգանքի տուրք մատուցեցին Արցախյան պատերազմների հերոսների հիշատակին։
Որդեգրել ցանկացող անձանց նախապատրաստական դասընթացների կազմակերպման և անցկացման ժամանակացույց 20.09.2021
Հարգելի՛ հայրենակիցներ: Ձեզ ենք ներկայացնում ՀՀ աշխատանքի և սոցիալական հարցերի նախարարի՝ 2021 թվականի սեպտեմբերի 16-ի N 146-Ա/1 հրամանով նախատեսված դասընթացի կազմակերպման և անցկացման ժամանակացույցի և ծրագրի բովանդակության վերաբերյալ տեղեկատվությունը: Դասընթացով հետաքրքրվածները մանրամասներին կարող են ծանոթանալ այս
Անվանի ֆրանսիացի բժիշկների այցը Վայոց ձորի մարզ 20.09.2021
Սեպտեմբերի 20-ին Վայոց ձորի մարզպետ Արարատ Գրիգորյանն ընդունել է անվանի ֆրանսիացի բժիշկների՝ Փարիզի Եվրոպական Ժորժ Պոմպիդու հիվանդանոցի սիրտ-անոթային վիրաբույժ Լևոն Խաչատրյանի գլխավորությամբ: Բժիշկները սեպտեմբերի 20-24 գտնվում են Հայաստանում և կողմերի միջև ստեղծված համագործակցության շրջանակներում այցելել են նաև Վայոց ձորի մարզ՝ բնակիչների անվճար բուժզննման և մասնագիտական խորհրդատվություն տրամադրելու, փորձի փոխանակում իրականացնելու, ինչպես նաև բժշկական կենտրոնների հետ համագործակցելու նպատակով: Խմբի մեջ էին նաև Կոշան հիվանդանոցի ուրոլոգիական բաժանմունքի վարիչ Միքայել Պերոմորը, օրթոպեդ-վնասվածքաբան, Սենտ Անտուան հոսպիտալի բաժանմունքի նախկին ղեկավար Լևոն Դուրսունյանը, ինչպես նաև Հայաստանի Այրվածքաբանության ազգային կենտրոնի փոխտնօրեն Կարինե Բաբայանը և սոնոգրաֆիստ Նունե Բաբայանը:
ՀՀ Վայոց ձորի մարզպետ Արարատ Գրիգորյանը ներկա է եղել <Մոլորակ> ամառային ճամբարի փակմանը 20.09.2021
ՀՀ Վայոց ձորի մարզպետ Արարատ Գրիգորյանը մարզպետի խորհրդական Արմեն Դավթյանի հետ ներկա է եղել ամառային ճամբարի փակման խարույկի արարողությանը: Մարզպետը ողջունեց ճամբարի մասնակիցներին և ներկաներին, շնորհավորեց միջոցառման առիթով ու շնորհակալություն հայտնեց ճամբարի կազմակերպիչ ֆլորա Մարգարյանին, երեխաների ամառային հանգստի կազմակերպման նպատակով բակային ճամբարի նախաձեռնության համար: Արարատ Գրիգորյանը նշեց, որ տեղեկացված է ճամբարի առօրյային և հավաստեց, որ միշտ լինելու է ճամբարականների կողքին: Մարզպետ Արարատ Գրիգորյանը հորդորեց՝ գալիք ամառային ճամբարը կազմակերպել երեխաների ավելի մեծ ընդգրկվածությամբ: Փակման միջոցառումը մի յուրատեսակ հաշվետվություն էր, որի ընթացքում երեխաները խարույկի շուրջ հանդես եկան երգ ու պարի, ասմունքի գեղեցիկ կատարումներով:
Հայտարարություն 18.09.2021
Սիրելի' հայրենակիցներ, վայոցձորցիներ, լրագրողներ, Տեղի կունենա ՀՀ Վայոց ձորի մարզպետ Արարատ Գրիգորյանի 2021 թվականի գործունեության առաջին կիսամյակի արդյունքներին նվիրված մամլո ասուլիսը: Հաշվի առնելով համավարակի հետ կապված սահմանափակումները` խնդրում ենք մեր լրագրող գործընկերներին առցանց հղել իրենց հարցերը մինչև սեպտեմբերի 22-ը, ժամը 18.00: Սիրելի՛ վայոցձորցիներ, մարզպետ Արարատ Գրիգորյանը կպատասխանի նաև ձեր հարցերին, ուստի ձեզ հուզող հարցերն առցանց տարբերակով կարող եք ներկայացնել ստորև նշված հղումով: Խնդրում ենք բոլոր հարցերն ուղարկել vayotsdzor.press@mta.gov.am էլեկտրոնային հասցեին: Հարգանքով՝ ՀՀ Վայոց ձորի մարզպետարանի տեղեկատվության և հասարակայնության հետ կապերի բաժին
Աշխատանքային այցով Վայոց ձորի մարզում էր ՀՀ Էկոնոմիկայի նախարարի տեղակալ Արման Խոջոյանը 18.09.2021
Սեպտեմների 17-ին Վայոց ձորի մարզպետ Արարատ Գրիգորյանն ընդունել է ՀՀ Էկոնոմիկայի նախարարի տեղակալ Արման Խոջոյանին: Հանդիպման նպատակն էր վերլուծել և ընդհանրացնել մթերումների շրջանին ընդառաջ Վայոց ձորի մարզում խաղողի մթերման գործընթացը, առնչվող խնդիրները և դրանց հնարավոր լուծման տարբերակները: Ներկա էին նաև մարզպետարանի գյուղատնտեսության և բնապահպանության վարչության պետ Գեղամ Մարգարյանը և ՓԲԸ գործդիր տնօրեն Կարեն Ղազարյանը: Հանդիպման շրջանակներում տեղի է ունեցել այցելություն դեպի Արենի համայնքի Աղավնաձոր բնակավայր՝ տեղի խաղողագործների հետ հանդպման նպատակով:
