Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի կունենա Ջերմուկ համայնքի ավագանու արտահերթ նիստը 21.12.2021
Սույն թվականի դեկտեմբերի 22-ին` ժամը 16:00-ին, Ջերմուկ համայնքի ղեկավարի աշխատասենյակում տեղի կունենա ՀՀ Վայոց ձորի մարզի Ջերմուկ համայնքի ավագանու արտահերթ նիստը: Օրակարգին ծանոթանալ
Վայոց ձորի մարզպետ Արարատ Գրիգորյանը շնորհավորել է ՀՀ Ազգային անվտանգության ծառայության աշխատակիցներին մասնագիտական տոնի կապակցությամբ։ Մաղթելով աշխատակիցներին նորանոր հաջողություններ և ձեռբերումներ՝ մարզպետ Ա․ Գրիգորյանը նշեց, որ մասնագիտական այս տոնը դարձել է հարգանքի և երախտագիտության խորհրդանիշ, որի շնորհիվ մենք մեկ անգամ ևս մեր երախտագիտությունն ենք հայտնում անվտանգության մարմիններին՝ մեր քաղաքացիների, հասարակության և հայրենիքի անվտանգության ապահովմանը ուղղված աշխատանքի ու գործունեության համար։
Տեղի կունենա Եղեգիս համայնքի ավագանու հերթական նիստը 20.12.2021
Սույն թվականի դեկտեմբերի 22-ին, ժամը՝ 15:00-ին Եղեգիսի համայնքապետարանի շենքում՝ համայնքի ղեկավարի աշխատասենյակում, տեղի կունենա համայնքի ավագանու հերթական թիվ 9 նիստը: Օրակարգին ծանոթանալ
Թումո կենտրոնը իր դռներն է բացում Վայոց ձորի մարզում 20.12.2021
Դեկտեմբերի 20-ին «Թումո» կենտրոնը, որն իր գործունեության տասը տարիների ընթացքում դարձել է բազմաթիվ տաղանդավոր երիտասարդների համար իրենց կրթությունը և գիտելիքները ամրապնդելու կարևորագույն հիմնաքար, այսօր իր հյուրընկալ դռներն է բացում նաև Վայոց ձորի մարզի Վայք քաղաքում: Բացման արարողությանը ներկա էին ՀՀ Վայոց ձորի մարզպետի տեղակալ Դավիթ Սարգսյանը, Վայք համայնքի ղեկավար Մխիթար Մաթևոսյանը, «Թումո Հայաստան» նախաձեռնության ղեկավար Անուշ Աբգարյանը։ Թումո տուփում սովորելու համար արդեն իսկ գրանցվել են 175 պատանիներ Վայքից և հարակից համայնքներից: Ուսանողները ինչպես ինքնուսուցումը, այնպես էլ դասընթացները անցնելու են տեղում` առցանց միանալով նաև Երևանի, Դիլիջանի կամ Գյումրիի Թումո կենտրոնների դասընթացներին: Սա կարևոր քայլ է, որն անկասկած կրելու է շարունակական բնույթ և հանգեցնելու է նոր ձեռքբերումների մարզի կրթության ոլորտում՝ մեր մարզն ապահովելով ստեղծարար և մրցունակ երիտասարդներով։ Վայոց ձորի սիրելի՛ պատանիներ,
ՀՀ Վայոց ձորի մարզի Մալիշկայի Միխայիլ Վ․ Լոմոնոսովի անվան միջակարգ դպրոցը համալրվեց ռուս դասականների մի քանի տասնյակ աշխատանքներով և ուսումնական ձեռնարկներով։ Գրքերը նվիրվել էին Վայոց ձորի մարզի գործընկեր ՌԴ Նիժեգորոդի մարզի կողմից՝ համագործակցության շրջանակներում, որոնք մարզպետարանի միջոցով փոխանցվեցին դպրոցի գրադարանին։ Մարզպետի խորհրդական Ա․ Դավթյանը նշեց, որ կրթության ոլորտը մշտապես գտնվել է միջտարածաշրջանային համագործակցության կենտրոնում, ինչի մասին վկայում են այդ ուղղությամբ արձանագրված հաջողությունները և գործընկերների շարունակական ուշադրությունը մարզի դպրոցների նկատմամբ։ Նշենք, որ ՀՀ Վայոց ձորի և ՌԴ Նիժեգորոդի մարզերի միջև միջտարածաշրջանային համագործակցություն է հաստատվել 2011թ․ ապրիլի 19-ին։
Նոր ռազմամարզական ուսումնական կենտրոն Վայք համայնքում 08.12.2021
Սույն թվականի դեկտեմբերի 4-ին ՀՀ Վայոց ձորի մարզպետարանի Զորահավաքային նախապատրաստության բաժնի պետ Վ․ Խուդավերդյանը ներկա գտնվեց Վայք համայնքում նոր ռազմամարզական ուսումնական կենտրոնի բացման արարողությանը։ Բացմանը ներկա էին բազմաթիվ հյուրեր հանրապետության տարբեր անկյուններից, ականավոր զորահրամանատարներ, ռազմական գործիչներ։ Նախաձեռնության հեղինակը և կենտրոնի հիմնադիրը Արտավազդ Վարդանյանն է։ Նպատակը երիտասարդ սերնդին ռազմամարզական դաստիարակության, ռազմարվեստի, մարտարվեստի, ողջ մնալու հմտությունների ուսուցանումն է։
