Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Օ․ Հենրիի <Ամերիկյան պատմություններ> գրքի շնորհանդես 10.05.2022
Մայիսի 7-ին Վայոց ձորի մարզպետի տեղակալ Դավիթ Սարգսյանը ներկա գտնվեց Պարույր Սևակի տուն-թանգարանում հրատարակչության կողմից Օ․ Հենրիի գրքի շնորհանդեսին։ Իր ողջույնի խոսքում մարզպետի տեղակալ Դավիթ Սարգսյանը ընդգծեց նախագծի և կատարված աշխատանքների կարևորությունը, նշելով, որ այն կրկնակի ձեռքբերում է մարզի համար, քանի որ հայ ընթերցողին է ներկայացնում անվանի հեղինակի աշխատանքները, որոնք մինչ այդ հայերենով շատ քիչ են թարգմանվել, և երկրորդ, գիրքը թարգմանվել է Վայոց ձորի շնորհալի բանասերների և բազմալեզու թարգմանիչների խմբի կողմից, ովքեր միավորվելով ընդհանուր գաղափարի շուրջ, հայ ընթերցողին են ներկայացրել հրատարակչությունը։
Սիրելի' հայրենակիցներ Ջերմորեն շնորհավորում եմ Հայրենական մեծ պատերազմում տարած հաղթանակի և խաղաղության տոնի կապակցությամբ։ Մայիսի 9 - ը առանձնահատուկ օր է համաշխարհային պատմության էջերում, և անգնահատելի է հայ ժողովրդի ներդրումը մարդկության մեծագույն չարիքներից մեկի` ֆաշիզմի դեմ պայքարում։ Պատերազմի ավարտից տասնամյակներ անց այս օրը բոլորս լցված ենք հաղթողների սերնդի նկատմամբ հպարտության զգացումով, ովքեր հայրենիքը դասելով ամեն ինչից առավել` պայքարել են խաղաղ երկնքի տակ ապրելու, ստեղծագործելու և արարելու անօտարելի իրավունքի համար։ Մեր պարտքն է այսօր հավերժացնել նրանց անունները մեր սրտերում, և հետևելով նրանց օրինակին` հայրենասիրությամբ, ամենօրյա աշխատանքով, անմնացորդ նվիրումով և անկոտրում ոգով մեր գալիք պատմության էջերը կերտել միայն հաղթական էջերով։ Թո՛ղ մեր գործերը և ձգտումները ծառայեն
Հարգանքի տուրք՝ Մեծ հայրենականում զոհված վայոցձորցիների հիշատակին 09.05.2022
Մայիսի 9-ին ՀՀ Վայոց ձորի մարզպետի տեղակալ Դավիթ Սարգսյանը և ՀՀ ԳՄ մարզային ծառայությունների ղեկավարներն այցելեցին Եղեգնաձորի Մեծ հայրենականում և Արցախյան ազատամարտերում զոհված վայոցձորցիների հիշատակը հավերժացնող հուշակոթողներ, ծաղիկներ խոնարհեցին հուշահամալիրներում և մեկ րոպե լռությամբ հարգեցին նրանց պայծառ հիշատակը: Հավերժ հիշատակ ու փառք մեր հերոսներին: Խաղաղություն մեր երկրին:
Ռուսաց լեզվի երկամսյա անվճար դասընթացներ Եղեգնաձոր քաղաքում 06.05.2022
Սիրելի՛ վայոցձորցիներ մոսկովյան մշակութագործարարական կենտրոնը և Վայոց ձորի մարզպետարանը հայտարարում են Եղեգնաձոր քաղաքում ռուսաց լեզվի երկամսյա անվճար դասընթացների ընդունելություն՝ 7-14 տարեկան երեխաների համար։ Դասընթացները մեկնարկելու են 2022 թ․ հունիսի 1-ից։ Հայտերն ընդունվում են մինչև 2022 թ․ մայիսի 27-ը։ Դասընթացներից առաջ կատարվելու է թեստավորում՝ երեխաների լեզվի իմացության մակարդակը որոշելու համար։ Դասընթացներին գրանցվելու և մանրամասն տեղեկատվություն ստանալու համար անհրաժեշտ է զանգահարել` +37498315955 (Նարինե Սահակյան):
Տեղի կունենա Եղեգիս համայնքի ավագանու հերթական նիստը 06.05.2022
Սույն թվականի մայիսի 10-ին, ժամը 15:00-ին Եղեգիսի համայնքապետարանի շենքում, համայնքի ղեկավարի աշխատասենյակում տեղի կունենա Եղեգիս համայնքի ավագանու հերթական թիվ 4 նիստը: Օրակարգին ծանոթանալ այս
Վայոց ձորի գործարարները ՀՀ Պաշտպանության նախարարի հրամանով պարգևատրվել են մեդալներով 06.05.2022
Մայիսի 6-ին ՀՀ Վայոց ձորի մարզպետ Արարատ Գրիգորյանը հյուրընկալել էր մարզի մի շարք գործարարների, ովքեր Արցախյան 44 օրյա պատերազմի ընթացքում ՀՀ Պաշտպանության նախարարության հետ սերտ համագործակցության, բանակ-հասարակություն կապի ամրապնդման գործում ունեցած աջակցության համար խրախուսվելու նպատակով ՀՀ Պաշտպանության նախարարի հրամանով պարգևատրվել են մեդալներով։
