Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Իրազեկում 12.07.2023
Վայոց ձորի մարզային փրկարարական վարչությունը տեղեկացնում է, որ միջոցառումների անցկացման պլան-ժամանակացույցի համաձայն՝ Վայք համայնքի Գոմք և Մարտիրոս բնակավայրերում ս/թ հուլիսի 14-ին, Եղեգնաձոր քաղաքում հուլիսի 21-ին՝ ժամը 10։00-ից մինչև 14։00-ն ընկած ժամանակահատվածում, իրականացվելու են > թեմայով ուսումնավարժություններ։ Գործարկվելու են բնակավայրերի շչակները։ Խնդրում ենք չանհանգստանալ։
Եղեգիս համայնքում տեղի կունենա ավագանու արտահերթ նիստը 12.07.2023
Հարգելի՛ քաղաքացիներ, տեղեկացնում ենք, որ 2023 թվականի հուլիսի 16-ին՝ ժամը 11։00-ին, Շատինի միջնակարգ դպրոցում տեղի կունենա Եղեգիս համայնքի ավագանու արտահերթ նիստը։ Նիստի օրակարգին կարող եք ծանոթանալ այս հղումով։
Եղեգնաձոր համայնքում տեղի կունենա ավագանու արտահերթ նիստը 11.07.2023
Հարգելի՛ քաղաքացիներ, տեղեկացնում ենք, որ 2023 թվականի հուլիսի 13-ին՝ ժամը 18։00-ին, Եղեգնաձորի համայնքապետարանում տեղի կունենա համայնքի ավագանու արտահերթ նիստը։ Նիստի օրակարգին կարող եք ծանոթանալ այս հղումով։
ՀՀ Վայոց ձորի մարզպետի աշխատակազմում տեղի ունեցավ մարզի խորհրդի հերթական նիստը 07.07.2023
Հուլիսի 7-ին ՀՀ Վայոց ձորի մարզպետի աշխատակազմում ՀՀ Վայոց ձորի մարզպետ Արարատ Գրիգորյանի գլխավորությամբ տեղի ունեցավ մարզի խորհրդի հերթական նիստը։ Նիստի օրակարգում 2023 թվականի երկրորդ եռամսյակում ՀՀ Վայոց ձորի մարզի Եղեգնաձոր համայնքում իրականացված իրավական-մասնագիտական հսկողության վերաբերյալ հաշվետվության, համայնքների ենթակառուցվածքների զարգացմանն ուղղված այս տարվա սուբվենցիայի ծրագրերի ընթացքի, առաջին կիսամյակում համայնքների սեփական եկամուտների հավաքագրման արդյունքների հարցերն էին։
Օրերս Վայոց ձորի մարզպետի աշխատակազմում տեղի ունեցավ գենդերային հարցերով զբաղվող մշտական հանձնաժողովի նիստը՝ ՀՀ Վայոց ձորի մարզպետի տեղակալ Դավիթ Սարգսյանի նախագահությամբ։ ՀՀ Վայոց ձորի մարզպետի աշխատակազմի Առողջապահության և սոցիալական ոլորտի հարցերի վարչության գլխավոր մասնագետ Ա. Խաչատրյանը ներկայացրեց ՀՀ կառավարության՝ 2019 թվականի սեպտեմբերի 19-ի N 1334-Լ որոշմամբ հաստատված ռազմավարական ծրագրի՝ 2023թ.-ին նախատեսվող միջոցառումների ցանկը և գերակայությունների շրջանակները, մասնավորապես աշխատաշուկայում անմրցունակ և մասնագիտություն չունեցող երիտասարդ մայրերի համար գործատուի մոտ մասնագիտական ուսուցման կազմակերպում, հաշմանդամություն ունեցող, տարեց կանանց լիարժեք սոցիալական ներառման ապահովում, կանանց նկատմամբ բռնության կանխարգելման և բռնության ենթարկված անձանց պետական աջակցության մեխանիզմների ստեղծում, սպորտում կանանց ներգրավվածության խթանում և այլն
ՀՀ Վայոց ձորի մարզպետ Արարատ Գրիգորյանի շնորհավորական ուղերձը ՀՀ Սահմանադրության օրվա առթիվ 05.07.2023
Հարգելի՛ վայոցձորցիներ, հպարտորեն շնորհավորում եմ բոլորիս հուլիսի 5-ի՝ ՀՀ Սահմանադրության օրվա առթիվ։ Սահմանադրության ընդունումը մեր նորանկախ պետության համար կարևորագույն և նշանակալից իրադարձություն էր, որով հայ ժողովուրդը մեկ անգամ ևս հաստատեց ինքնիշխան, ժողովրդավարական , սոցիալական պետությունում ապրելու իր նվիրական կամքը։ Այն միաժամանակ պարտավորեցնող է․ յուրաքանչյուրս մեր ուժերի չափով, մեր պարտականությունների և իրավասությունների սահմաններում պետք է աշխատենք, գործենք՝ Սահմանադրությամբ ամրագրված արժեքներին հավատարիմ։
