Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այցելություններ մարզի՝ Լեռնային Ղարաբաղից բռնի տեղահանված աշակերտներ ունեցող դպրոցներ 20.10.2023
Օրերս ՀՀ Վայոց ձորի մարզպետի աշխատակազմի կրթության, մշակույթի և սպորտի վարչության պետ Տ․ Պոլուդնիցինան և մասնագետներն այցելեցին «Սիրանույշ» ճամբար՝ Լեռնային Ղարաբաղից բռնի տեղահանված դպրոցահասակ երեխաների ծնողներին հանդիպելու, մանկավարժական բարձրագույն կրթություն ունենալու դեպքում աշխատանքի տեղավորելու իրավակարգավորումներին ծանոթացնելու և հետագայում լրացուցիչ աջակցության ծրագրերում ընդգրկելու նպատակով։ Այնուհետև նրանք եղան Եղեգիսի միջնակարգ և Հերմոնի հիմնական դպրոցներում, որտեղ սովորում են Լեռնային Ղարաբաղից բռնի տեղահանված դպրոցահասակ երեխաներ։ Այցելության հաջորդ վայրերն Արենիի և Արփիի միջնակարգ դպրոցներն էին, որտեղ ևս ընդգրկված են Լեռնային Ղարաբաղից բռնի տեղահանված դպրոցահասակ երեխաներ։
ՀՀ Վայոց ձորի մարզպետ Արարատ Գրիգորյանը մասնակցեց դպրոցի օրհնության արարողակարգին 20.10.2023
Հոկտեմբերի 20-ին տեղի ունեցավ ՀՀ Վայոց ձորի մարզի Եղեգնաձորի նորակառույց թիվ 1 հիմնական դպրոցի օրհնության արարողակարգը, որին ներկա էին Վայոց ձորի մարզպետ Արարատ Գրիգորյանը, Վայոց ձորի թեմի առաջնորդ Գերաշնորհ տեր Աբրահամ արքեպիսկոպոս Մկրտչյանը, բարձրաստիճան այլ հյուրեր։ Կրթօջախը կառուցվել է Հայաստանի տարածքային զարգացման հիմնադրամի պատվիրատվությամբ և Ասիական բանկի կողմից տրամադրված վարկային միջոցներով >շրջանակներում, և այս ուսումնական տարվա մեկնարկին իր հարմարավետ և հյուրընկալ հարկի ներքո ընդունել է շուրջ 600 աշակերտ։ Մարզպետ Արարատ Գրիգորյանն իր խոսքում առանձնահատուկ կարևորեց կրթության ոլորտում կատարված ներդրումները՝ որպես պետականաշինության գործընթացի կարևորագույն բաղադրիչ, որոնց արդյունքներն ակնկալվում են պետության ռազմավարության և՛ կարճաժամկետ, և՛ երկարաժամկետ ծրագրերի տեսլականում։
Մարզպետ Արարատ Գրիգորյանն ընդունել է Հայաստանում Ֆրանսիայի դեսպան Օլիվիե Դըկոտինյիին 19.10.2023
Մարզպետ Ա․ Գրիգորյանը դեսպանին ներկայացրել է մարզում հայ-ֆրանսիական բարեկամության և համագործակցության շրջանակներում կատարված միջոցառումները՝ կարևորելով միջտարածաշրջանային փոխգործակցության, ֆրանսերենի ուսուցման, կրթական և մշակութային միջոցառումների կազմակերպման, ֆրանկոֆոն արժեքների տարածման ուղղությամբ իրականացվող աշխատանքները։
Եղեգիսի համայնքապետարանը հայտարարում է համայնքային սեփականություն հանդիսացող հողերի համար աճուրդ 18.10.2023
2023 թվականի նոյեմբերի 20-ին` ժամը 10:30-ին, Հայաստանի Հանրապետության Վայոց ձորի մարզի Եղեգիսի համայնքապետարանի շենքում կկայանա աճուրդ Եղեգիս համայնքի վարչական սահմաններում գտնվող համայնքային սեփականություն հանդիսացող հողերի համար (գյուղատնտեսական նշանակության հողերը՝ գյուղատնտեսական գործունեություն ծավալելու նպատակով, բնակավայրերի նշանակության հողերը՝ կառուցապատման նպատակով)։
2023 թվականի նոյեմբերի 21-ին՝ ժամը 11:30-ին, ՀՀ Վայոց ձորի մարզի Եղեգիսի համայնքապետարանի շենքում կկայանա մրցույթ՝ Եղեգիս համայնքի Եղեգիս գյուղի վարչական սահմաններում գտնվող համայնքային սեփականություն հանդիսացող գյուղատնտեսական նշանակության այլ հողատեսքի համար գյուղատնտեսական գործունեություն ծավալելու նպատակով, 25 (քսանհինգ) տարի ժամկետով՝ կադաստրային ծածկագիր` 10-021-0105- , մակերեսը՝ 1,11792հա։
Վայոց ձորի մարզում անցկացվեց շտաբային ուսումնավարժություն 17.10.2023
Հոկտեմբերի 16-ին Վայոց ձորի մարզում անցկացվեց շտաբային ուսումնավարժություն «Բնակչության պաշտպանության միջոցառումների իրականացումն ուժեղ երկրաշարժի դեպքում» թեմայով։Միջոցառման նպատակն էր ստուգել մարզի ղեկավար կազմի պատրաստականությունն արտակարգ իրավիճակների սպառնալիքի և ծագման դեպքում, կատարելագործել շտաբային ուսումնավարժությունում ընդգրկված մարմինների ղեկավար կազմերի ունակությունները և ուժեղ երկրաշարժի դեպքում փոխհամագործակցության իրականացումը, ստուգել ՀՀ տարածքում ուժեղ երկրաշարժի դեպքում Վայոց ձորի մարզի կողմից իրականացվող գործողությունների պլանի իրատեսությունը։ Ուսումնավարժությունը ղեկավարում էր ՀՀ Վայոց ձորի մարզպետ Արարատ Գրիգորյանը, շտաբի պետն էր Վայոց ձորի մարզային փրկարարական վարչության պետ, փ/ծ գնդապետ Հակոբ Սարգսյանը։
