Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարգելի՛ հայրենակիցներ, շնորհավորում եմ Հաղթանակի և խաղաղության օրվա կապակցությամբ: Հայրենական մեծ պատերազմում հաղթանակի կերտման գործում անուրանալի ավանդ ունեցավ հայ ժողովուրդն իր նվիրյալ զավակների բացառիկ սխրանքներով, հերոսության աննախադեպ դրվագներով, հայրենասիրության բազում օրինակներով, խոսուն փաստերով: Այդ պայքարը և հաղթանակը միասնական ուժի, համախմբվածության, վճռականության, վեհ գաղափարների և կամքի դրսևորման վառ օրինակ են մեր պատմության մեջ: Այս օրը բազում խորհուրդներ ունի՝ հաղթանակ, ազատություն, խաղաղություն և այս բոլորը միավորող տասնամյակների հիշողություն։
Ամփոփվեցին <<ՀՀ վարչապետի գավաթ>> դպրոցականների թիմային խճուղավազքի մարզային արդյունքները 08.05.2024
Երեկ Վայոց ձորի մարզպետի աշխատակազմում հանդիսավոր պայմաններում ամփոփվեցին մայիսի 3-ին կազմակերպված > դպրոցականների թիմային խճուղավազքի մարզային արդյունքները։ Վայոց ձորի մարզպետի աշխատակազմի կրթության, մշակույթի և սպորտի վարչության պետ Տատյանա Պոլուդնիցինան ներկայացրեց մասնակցության, մրցույթի արդյունքների ընդհանուր պատկերը, հետագա ընթացակարգը՝ հաջողություն մաղթելով հանրապետական փուլի մասնակիցներին։ Նշենք, որ մրցույթին մասնակցել են մարզի հանրակրթական 27 հաստատություն՝ 135 տղա և 54 աղջիկ մասնակիցներով։
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Երկրապահի օրվա առիթով 08.05.2024
Հարգելի՛ հայրենակիցներ, այսօր՝ մայիսի 8-ին, նշում ենք Երկրապահի օրը։ Օրը առիթ է մեկ անգամ ևս հիշելու և արժևորելու այն մեծ ավանդը, որ ունեցել է երկրապահ կամավորական շարժումը վերջին տասնամյակներին հայրենի հողի պաշտպանության, անկախության կերտման և պահպանման , սերունդներին ռազմահայրենասիրական ոգով դաստիարակելու գործում։ Երկրապահ կամավորներն իրենց վսեմ գաղափարներով և հերոսական սխրանքներով հայոց բանակաշինության ակունքներում են, նորանկախ պետության հիմքերի ամրապնդման մեծ նվիրյալները։ Նրանք իրենց բացառիկ անձնուրացությամբ, հայրենիքի հանդեպ անծիր-անպարագիծ սիրով, հայրենի հողը պաշտպանելու անսահման վճռականությամբ օրինակ են սերունդների համար։
Վայոց ձորի մարզում 2024թ․ ապրիլ ամսին գրանցված ծնունդների մասին տեղեկատվություն 03.05.2024
ՀՀ Վայոց ձորի մարզի ծննդօգնություն իրականացնող բուժհաստատությունում՝ >-ում, ապրիլ ամսին գրանցվել է 10 ծնունդ, որից՝ 7 տղա, 3 աղջիկ։ Կատարվել է 2 կեսարյան հատում։
Դասընթաց ազդարարման համակարգի մասին 03.05.2024
Ազդարարման համակարգի համապետական իրազեկման արշավի շրջանակում Վայոց ձորի մարզպետի աշխատակազմում անցկացվել է մարզային դասընթաց մարզպետի աշխատակազմի և տեղական ինքնակառավարման մարմինների ներկայացուցիչների համար: Դասընթացի մասնակիցները ծանոթացել են Ազդարարման համակարգին, դրան վերաբերող օրենսդրական կարգավորումներին, դիմելու ընթացակարգին: Դասընթացն ուներ երկու բաղադրիչ՝ տեսական մաս և գործնական առաջադրանք / նաև՝ խմբային աշխատանք/։ Դասընթացներն իրականացվում են Գերմանիայի միջազգային համագործակցության ընկերության (GIZ) հետ համագործակցության շրջանակում Արդարադատության նախարարության և «Իրավաբանների հայկական ասոցիացիա» ՀԿ հետ համատեղ ջանքերով:
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Մայիսի 1-ի՝ Աշխատանքի օրվա առիթով 01.05.2024
Սիրելի՛ հայրենակիցներ․ Ջերմորեն շնորհավորում եմ Մայիսի 1-ի՝ Աշխատանքի և աշխատավորների օրվա կապակցությամբ։ Այն ի սկզբանե խորհրդանշել է աշխատանքային իրավունքների պաշտպանության համար պայքարող աշխատավորների շարժումն ու պահանջատիրությունը, սակայն հետագայում՝ տարբեր ժամանակներում, յուրովի է մեկնաբանվել օրվա իմաստը։ Սակայն մի բան մնացել է անփոփոխ և աներկբա․ աշխատանքն է արժանապատիվ կյանքով ապրելու, ինքնադրսևորվելու և նոր հնարավորություններ ստեղծելու լավագույն միջոցը, կայուն, զարգացող պետություն կառուցելու անվիճելի գրավականը։
