Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ հանրակրթական դպրոցներում իրականացվող հեռավար ուսուցմանը Վայոց ձորի մարզի սոցիալապես անապահով ընտանիքների դպրոցահասակ երեխաների մասնակցությունն ապահովելու նպատակով ՀՀ Վայոց ձորի մարզպետարանը, ՀՀ ԿԳՄՍ նախարարության ծրագրով, 148 հատ տեխնիկական միջոցներ (գրասալիկ (պլանշետ), հեռախոս և նեթբուք) է տրամադրել մարզի դպրոցներին: Բաշխումն իրականացվել է ՀՀ ԿԳՄՍ նախարարության սահմանած սկզբունքով: Դրանք տրամադրվել են ընտանիքում երկու և ավելի դպրոցահասակ և որևէ սարք չունեցող, սոցիալապես անապահով ընտանիքների երեխաներին, ինչպես նաև ծնողազուրկ կամ միակողմանի ծնողազուրկ երեխաներին: COVID-19-ի դեմ համակարգված պայքարի և հեռավար կրթությունը նաև սոցիալապես խոցելի խմբերում ընդգրկված ընտանիքների դպրոցահասակ աշակերտներին հասանելի դարձնելու ծրագրի շրջանակներում
Մարզի կարիքավոր 350 ընտանիքներ ստացան առաջին անհրաժեշտության պարենային ապրանքների փաթեթներ 12.05.2020
COVID 19-ի հետևանքները մեղմելու նպատակով՝ Մայր Աթոռ Սուրբ Էջմիածինը, համագործակցելով ՀՀ Վայոց ձորի մարզպետարանի հետ, Վայոց ձորի թեմի միջոցով կրկին օգնություն է տրամադրել Վայոց ձորի մարզի կարիքավոր ընտանիքներին: Աջակցությունը, պարենային փաթեթների (29 կիլոգրամանոց) տեսքով, ստացել են մարզի 350 ընտանիքներ, որոնցից 170 ընտանիքների ցուցակը կազմել է Վայոց ձորի մարզպետարանը՝ հավաքագրվելով մարզի համայնքներից տրամադրված տվյալները, իսկ 180 ընտանիքների ցուցակը կազմել է Վայոց ձորի թեմը: Օգնության չափը կազմել է շուրջ 5 մլն դրամ: Շնորհակալություն ենք հայտնում Մայր Աթոռին և Վայոց ձորի թեմին` բարի կամքի դրսևորման և մարզի կարիքավոր ընտանիքներին առաջին անհրաժեշտության պարենային ապրանքներով ապահովելու համար:
Արարատ Գրիգորյանն այցելել է <Վայք գրուպ> գինեգործարան 12.05.2020
Այսօր, Վայոց ձորի մարզպետ Արարատ Գրիգորյանը, մարզպետի խորհրդական Նարեկ Մարտիրոսյանը, մարզպետարանի գյուղատնտեսության և բնապահպանության վարչության պետ Գեղամ Մարգարյանն աշխատանքային այցով եղան Վայք քաղաքում գործող ՓԲԸ գինեգործարանում՝ տեղում արտադրական գործընթացներին և գինեգործին հուզող խնդիրներին ծանոթանալու նպատակով:
Հոդվածի նկարում Հայ առաքելական եկեղեցու Վայոց ձորի թեմի առաջնորդ Աբրահամ Արքեպիսկոպոս Սրբազանն ու Վայոց ձորի մարզպետի խորհրդական Արմեն Դավթյանն են՝ կարտոֆիլի սերմացու բաշխելիս:
ՀՀ Վայոց ձորի մարզպետարանը, Հայ Առաքելական Սուրբ Եկեղեցու Վայոց ձորի թեմի և հասարակական կազմակերպության հետ համագործակցությամբ, 3 տոննա կարտոֆիլի սերմացու տրամադրեց Վայոց ձորի մարզի Արենի համայնքի Գնիշիկ, Վայք համայնքի Ազատեկ և Եղեգիս համայնքի մի խումբ բնակավայրերի բնակիչներին: Վայոց ձորի թեմի Առաջնորդ, Գերաշնորհ Տ. Աբրահամ արքեպիսկոպոս Մկրտչյանը նշեց, որ Վայոց ձորի մարզում կորոնավիրուսի հետևանքները մեղմելուն ուղղված օժանդակության շրջանակում, մարզի բնակիչներին տրամադրվեց կարտոֆիլի սերմացուի վերջին խմբաքանակը, սակայն թիրախային օժանդակությունը շարունակվելու է՝ առաջին անհրաժեշտության այլ ապրանքների տեսքով:
Սիրելի հայրենակիցներ, Մեծ հայրենականի և Արցախյան ազատամարտի հարգարժա՛ն վետերաններ, ազատամարտիկներ, երկրապահներ, Հայոց բանակի զինվորներ և սպաներ: Սրտանց ու ջերմորեն շնորհավորում եմ Հաղթանակի և խաղաղության տոնի կապակցությամբ: Մայիսը հայ ժողովրդի համար հաղթանակների ամիս է: Բոլորս հպարտությամբ ենք հիշում և նշում Հայրենական մեծ պատերազմում հայ զինվորների և հրամանատարների մասնակցությունը և նրանց գործած սխրանքները: Այսօր Վայոց ձորի մարզում ունենք Հայենական մեծ պատերազմի հաղթանակի հոբելյանական՝ 75 ամյակը, մեզ հետ տոնող Մեծ հայրենականի հինգ վետերաններ, որոնք նոր սերնդի համար հայրենասիրության օրինակ են հանդիսանում: Մեծ հայրենականի հաղթանակին նվիրված տոնը, 1992 թվականի մայիսի 8-ին, Շուշիի ազատագումով նոր խորհուրդ ստացավ: Հայկական հնագույն ու մշակութային կենտրոնի՝ Շուշիի, անիրական թվացող ազատագրման ընթացքում հայ հրամանատարների և զինվորների նույնքան անիրական սխրանքներն Արցախյան ազատամարտում դարձան մերօրյա հերոսապատումի վառ օրինակներ: Շուշիի ազատագրումը շրջադարձային եղավ Արցախյան
