Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզում մարտի 16-ից նոյեմբերի 1-ն ընկած ժամանակահատվածի տվյալներով հաստատվել է նոր տիպի կորոնավիրուսային հիվանդության (COVID 19) 878 դեպք: Փաստացի բուժում է ստանում 479 քաղաքացի: Առողջացած անձանց թիվը՝ 382: Մարտի 16-ից նոյեմբերի 1-ն ընկած ժամանակահատվածում կատարվել է 3060 նմուշառում, վերահսկվել է՝ 2843 մեկուսացված անձ։ Մահվան դեպքերի ընդհանուր թիվը՝ 17: ՀԻՇԵՑՈՒՄ
Կյանքից անժամանակ հեռացել է ՀՀ Վայոց ձորի մարզպետարանի գլխավոր քարտուղար Կամո Սահակյանը 31.10.2020
Խոր վշտով հայտնում ենք, որ կյանքից անժամանակ հեռացել է ՀՀ Վայոց ձորի մարզպետարանի գլխավոր քարտուղար Կամո Սահակյանը: Կամո Ժորժիկի Սահակյանը ծնվել է 1959 թվականին Եղեգնաձորի շրջանի Գետափ գյուղում: Ավարտել է Երևանի Կարլ Մարքսի անվան պոլիտեխնիկական ինստիտուտը: 1982-1990 թթ. աշխատել է Եղեգնաձորի ռելեի գործարանում, նախ՝ ինժեներ- տեխնոլոգ, ավագ վարպետ, ապա տեղամասի պետ: 1990-1994 թթ. աշխատել է Եղեգնաձորի շրջանային ֆինբաժնում որպես տնտեսագետ: 1996-1997 թթ. աշխատել է որպես Վայոց ձոր մարզի գլխավոր վերահսկիչ: 2001 թվականից աշխատել է Վայոց ձորի մարզպետարանում: ՀՀ վարչապետի 2012 թվականի հուլիսի 18-ի N 654-Ա որոշմամբ Կամո Սահակյանը նշանակվել ՀՀ Վայոց ձորի մարզպետարանի աշխատակազմի ղեկավարի (գլխավոր քարտուղար) պաշտոնում: Մեր ցավակցությունն ու զորակցությունն ենք հայտնում Կամո Սահակյանի ընտանիքին, հարազատներին և ընկերներին: Հարգված գործընկերոջ հիշատակը միշտ վառ կմնա մեր սրտերում։
ՀՀ Վայոց ձորի մարզպետարանը <<Հայաստան>> համահայկական հիմնադրամի հաշվին կրկին գումար է փոխանցել 31.10.2020
ՀՀ Վայոց ձորի մարզպետարանի ողջ անձնակազմը <<Հայաստան>> համահայկական հիմնադրամի կողմից իրականացվող <<Մենք ենք մեր սահմանները, բոլորս Արցախի համար>> խորագրով միասնական համազգային դրամահավաքի հաշվին փոխանցել է 5 մլն 842 հազար ՀՀ դրամ, որից՝ 1 մլն 500 հազարը դրամը՝ առ 08.10.2020-ի, 4 մլն 342 հազար դրամը՝ առ 30.10.2020-ի դրությամբ: Յուրաքանչյուրիս պարտքն է՝ աջակցել մեր հայրենիքի սահմանները պաշտպանող զինվորների և Արցախի հողին ամուր...
Վայոց ձորի մարզում ընթանում են խաղողի մթերման աշխատանքները 30.10.2020
Ռազմական դրության պայմաններում, ռազմի դաշտի մարտերին զուգահեռ, ՀՀ կառավարրությունն էլ ավելի մեծ ուշադրություն է դարձնում թիկունքն ամուր պահելու, տնտեսության զարգացումն ապահովելու գործընթացներին: Վայոց ձորի համար տնտեսության զարգացման կարևոր ճյուղերից են խաղողագուծությունն ու գինեգործությունը: Այս ոլորտում 2020թ. COVID-19-ի հետևանքով ստեղծված դժվարագույն և իրավիճակային խնդիրների լուծման նպատակով ՀՀ կառավարությունը ֆինանսական աջակցություն է ցուցաբերել Վայոց ձորի մարզում Արենի տեսակի խաղողի արտադրությամբ զբաղվող տնտեսություններին: Քանի որ 2020թ. COVID-19-ի հետ կապված գինու արտահանման ծավալների խիստ կրճատման պատճառով խաղող վերամշակողների ֆինանսական հնարավորությունները չէին բավարարում Արենի տեսակի խաղող մթերելու համար: Առաջացած խնդիրները չեզոքացնելու նպատակով ՀՀ կառավարության կողմից խաղող արտադրողներին տրվել համաֆինանսավորում՝ 1 կգ Արենի տեսակի խաղողի դիմաց 70 դրամի չափով: Այս խնդրի մասին բարձրաձայնվել էր ս/թ հոկտեմբերի 14- ին Վայոց ձորի մարզպետարանում ՀՀ Վայոց ձորի մարզպետ Արարատ Գրիգորյանի և ՀՀ էկոնոմիկայի նախարար Տիգրան Խաչատրյանի գլխավորությամբ խաղող արտադրողների և մթերող կազմակերպությունների ներկայացուցիչների հետ տեղի ունեցած հանդիպում-քննարկման ընթացքում: Հոկտեմբերի 19-ից Վայոց ձորի մարզում մեկնարկել է
ՀՀ վարչապետ Նիկոլ Փաշինյանի որոշմամբ Արայիկ Մուրադյանը նշանակվել է ՀՀ Վայոց ձորի մարզպետի տեղակալ 30.10.2020
Ղեկավարվելով <<Հանրային ծառայության մասին>> Հայաստանի Հանրապետության օրենքի 9-րդ հոդվածի 9-րդ մասով՝ Հայաստանի Հանրապետության Վարչապետի 29 հոկտեմբերի 2020, 1202-Ա որոշմամբ՝ Արայիկ Մուրադյանը նշանակվել է Հայաստանի Հանրապետության Վայոց ձորի մարզպետի տեղակալ:
Զորահավաքային զինվորական ծառայության մեկնած և կամավորական սկզբունքով հայրենիքի պաշտպանությանը մասնակցող քաղաքացիների աշխատանքային իրավունքները և վարձատրությունը Զորահավաքային զինվորական ծառայության մեկնած և կամավորական սկզբունքով հայրենիքի պաշտպանությանը մասնակցող քաղաքացիների աշխատատեղերը պահպանվում են, այդ ժամանակահատվածը հաշվարկվում է որպես աշխատանքային ստաժ: Բացի պետական բյուջեից (ՊՆ-ի կողմից) տրվող վարձատրությունը, կողմերի համաձայնությամբ,...
