Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Արարատ Գրիգորյանի շնորհավորական ուղերձը Ընտանիքի օրվա կապակցությամբ 15.05.2021
Սիրելի հայրենակիցնե՛ր, Ջերմորեն շնորհավորում եմ բոլորիս՝ Ընտանիքի միջազգային օրվա կապակցությամբ: Ընտանիքը սիրո, հարգանքի, հոգատարության, հանդուրժողականության աղբյուր է: Մեր հասարակությունը միշտ բարձր է գնահատել ընտանեկան արժեքները, ավանդույթները, փոխհարաբերություններն ու ընտանեկան դաստիարակությունը: Ընտանիքն է հանդիսանում հասարակության բջիջը և դարերի ընթացքում ձևավորված ավանդույթները, ազգային ու համամարդկային կարևորագույն արժեքները սերունդներին փոխանցելու հիմնական օղակը: Եվ հենց ազգային արժեքները կրող և ավանդույթները պահպանող ընտանիքն է մեր ազգի գոյատևման հիմքը, մեր հաղթանակների ու հարատևման գրավականը:
Իրազեկում 14.05.2021
Ս/թ մայիսի 14-ին, ժամը` 10:00-ին Եղեգիս համայնքի ղեկավարի աշխատասենյակում տեղի կունենա ՀՀ Վայոց ձորի մարզի Եղեգիս համայնքի ավագանու հերթական նիստը:
<Կյանքդ՝ կյանքիս համար> խորագրով միջոցառում Եղեգնաձորի թիվ 1 հիմնական դպրոցում 14.05.2021
Այսօր Եղեգնաձորի թիվ 1 հիմնական դպրոցում կայացավ խորագրով միջոցառում՝ նվիրված դպրոցի՝ հանուն հայրենիքի անմահացած և անհայտ կորած շրջանավարտներին: Միջոցառմանը ներկա էին ՀՀ Վայոց ձորի մարզպետի տեղակալ Նանե Ասատրյանը, մարզպետարանի կրթության, մշակույթի և սպորտի վարչության պետ Արփիար Ղազարյանը, անմահացած հերոսների ծնողներն ու հարազատները: Ներկաները մեկ րոպե լռությամբ հարգեցին Արցախյան 44-օրյա պատերազմի ընթացքում զոհված հայորդիների հիշատակը, որից հետո միջոցառման մեկնարկը ազդարարվեց Հայաստանի Հանրապետության օրհներգով:
Վայքի հիմնական դպրոցը իր հարգանքի տուրքը մատուցեց Արցախյան 44-օրյա պատերազմի հերոսներին 14.05.2021
Մայիսի 14-ին Վայքի հիմնական դպրոցում տեղի ունեցավ խորագրով միջոցառում՝ նվիրված Արցախի 44-օրյա պատերազմում զոհված հայորդիների հիշատակին, որը մեկնարկեց Տեր Սեպուհ քահանա Հարությունյանի աղոթքով և օրհնությամբ: Միջոցառմանը ներկա էին Վայոց ձորի մարզպետ Արարատ Գրիգորյանը, ՀՀ ԳՄ Վայոց ձորի մարզային և տարածքային կառույցների ղեկավարներ և բարձրաստիճան ներկայացուցիչներ: Ներկաները մեկ րոպե լռությամբ իրենց հարգանքի տուրքը մատուցեցին ինչպես խաղաղություն կերտած և անմահացած հայորդիների հիշատակին, այնպես էլ մերօրյա այն հերոսներին, ովքեր ապրում են մեր կողքին և աճող սերնդին տալիս են խիզախության և սխրանքների վառ օրինակ:
Վայոց ձորի մարզպետ Արարատ Գրիգորյանը մայիսի 11-ին ներկա է գտնվել Կոմիտասի անվան կամերային երաժշտության տանը խորագրով համերգին` նվիրված Հայրենական մեծ պատերազմում տարած հաղթանակի 76-րդ տարեդարձին: Միջոցառումը կազմակերպվել էր մոսկովյան մշակութագործարարական կենտրոնի կողմից՝ Մոսկվայի կառավարության, Մոսկվայի արտաքին տնտեսական և միջազգային կապերի վարչության և ՀՀ կրթության, գիտության, մշակույթի և սպորտի նախարարության աջակցությամբ: Համերգին ներկա էին ՀՀ կրթության, գիտության, մշակույթի և սպորտի փոխնախարարը, դիվանագիտական առաքելությունների ղեկավարներ, Հայաստանի տեղական ինքնակառավարման և քաղաքային իշխանությունների, ռուսական կազմակերպությունների ներկայացուցիչներ, և տոնակատարության գլխավոր հերոսները՝ Հայրենական մեծ պատերազմի վետերանները:
Զարգացնող խաղերի և տետրերի փաթեթեներ՝ Գլաձոր և Վայք համայնքների մանկապարտեզներին 13.05.2021
Մայիսի 12-ին -ը, Հայաստանում Արաբական Միացյալ էմիրությունների դեսպանատան հետ համագործակցության շրջանակներում Վայոց ձորի մարզի Գլաձոր և Վայք խոշորացված համայնքների 2 մանկապարտեզներին է նվիրել ապրանքանիշի զարգացնող խաղերի և տետրերի փաթեթեներ: Միջոցառմանը ներկա էին ՀՀ Վայոց ձորի մարզպետ Արարատ Գրիգորյանը, Գլաձոր համայնքի ղեկավար Արմեն Մովսիսյանը, -ի տնօրեն Լուսինե Սիմոնյանը, մարզպետարանի աշխատակազմի ներկայացուցիչներ և այլ հյուրեր: Ներկաներին խաղաղությանը նվիրված ասմունքով և երգով ողջունեցին Գլաձորի մանկապարտեզի սաները:
