Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ս/թ հոկտեմբերի 28-ին ՀՀ Վայոց ձորի մարզպետի տեղակալ Դավիթ Սարգսյանը, Եղեգնաձոր համայնքի ղեկավարի նորանշանակ պաշտոնակատար Մուշեղ Ներսիսյանը համապատասխան մասնագետների հետ շրջել են համայնքում, ծանոթացել պետություն-համայնք համաֆինանսավորմամբ Վայոց ձորի մարզի համայնքների տնտեսական և սոցիալական ենթակառուցվածքների զարգացմանն ուղղված ՀՀ կառավարության 2021 թվականի սուբվենցիոն ծրագրերի շրջանակներում Եղեգնաձոր համայնքում իրականացված և իրականացվելիք աշխատանքներին: Նրանք եղել են քաղաքի այն փողոցներում, որտեղ իրականացվել կամ իրականացվում են նորոգման աշխատանքներ և տեղում ծանոթացել իրավիճակին: Նշենք, որ • Ալավերդյան փողոցում նորգման աշխատանքներն ավարտվել են, ընթանում է հանձնման-ընդունման փաստաթղթավորում:
Մալիշկա համայնքում տեղի ունեցավ Ռուսական կենտրոնի բացման հանդիսավոր արարողություն 27.10.2021
Հոկտեմբերի 26-ին Վայոց ձորի Մալիշկա համայնքում տեղի ունեցավ Ռուսական կենտրոնի բացման հանդիսավոր արարողություն: Կենտրոնը բացվել է Երևանում մշակութագործարարական կենտրոնի նախաձեռնությամբ՝ Վայոց ձորի մարզպետարանի հետ համագործակցությամբ և բարերար Արամ Աբրահամյանի աջակցությամբ: Միջոցառմանը ներկա էին Վայոց ձորի մարզպետ Արարատ Գրիգորյանը, Երևանում մշակութագործարարական կենտրոնի տնօրեն Վահրամ Կարապետյանը, Ղազախստանի Հանրապետության պատվավոր հյուպատոս Արամ Աբրահամյանը, ՀՀ-ում Լեռնային Ղարաբաղի Հանրապետության մշտական ներկայացուցիչ Սերգեյ Ղազարյանը, Վայոց ձորի թեմի առաջնորդ Գերաշնորհ Տ. Աբրահամ արքեպիսկոպոս Մկրտչյանը, բարձրաստիճան այլ հյուրեր:
Առնո Բաբաջանյանի 100-ամյակին նվիրված համերգ Եղեգնաձորի մարզային մշակույթի կենտրոնում 27.10.2021
Հոկտեմբերի 26-ին ՀՀ Վայոց ձորի մարզպետարանի և Երևանում մշակութագործարարական կենտրոնի միջև համագործակցության շրջանակներում Եղեգնաձորի մարզային մշակույթի կենտրոնում տեղի ունեցավ համերգ՝ նվիրված հայ մեծանուն կոմպոզիտոր և դաշնակահար, Խորհրդային Միության և ՀԽՍՀ ժողովրդական արտիստ Առնո Բաբաջանյանի 100 ամյակին: Առնո Բաբաջանյանի էստրադային ստեղծագործությունների կատարմամբ հանդես եկան Ալեքսանդր Սպենդիարյանի անվան օպերայի և բալետի ազգային ակադեմիական թատրոնի երիտասարդական օպերային ծրագրի մենակատարները (գեղարվեստական ղեկավար՝ Լևոն Ջավադյան):
Եղեգնաձոր համայնքի ղեկավարի պաշտոնակատար է նշանակվել Մուշեղ Ներսիսյանը 27.10.2021
Ս/թ հոկտեմբերի 27-ին ՀՀ Վայոց ձորի մարզպետ Արարատ Գրիգորյանը Եղեգնաձորի համայնքապետարանի աշխատակազմին ներկայացրեց համայնքի ղեկավարի պաշտոնակատար Մուշեղ Ներսիսյանին: Մարզպետը շնորհակալություն հայտնեց Եղեգնաձոր համայնքի նախկին ղեկավարին երկարամյա աշխատանքային գործունեության և վերջին երկու տարիների համատեղ աշխատանքի համար: Արարատ Գրիգորյանը շնորհավորելով Մուշեղ Ներսիսյանին՝ համայնքի ղեկավարի պաշտոնակատարի պատասխանատու պաշտոնը ստանձնելու կապակցությամբ, նրան մաղթեց հաջող և արդյունավետ աշխատանք:
Զառիթափ բնակավայրում շչակ է գործարկվելու 27.10.2021
Հոկտեմբերի 28-ին Վայոց ձորի մարզի Զառիթափ համայքնի Զառիթափ բնակավայրում անցկացվելու է թեմայով վարժանք: Գործարկվելու են բնակավայրում առկա շչակները: Խնդրում ենք չանհանգստանալ:
ՀՀ Վայոց ձորի մարզպետարանում հոկտեմբերի 20-ին մարզպետ Արարատ Գրիգորյանի ղեկավարությամբ անցկացվել է թեմայով շտաբային ուսումնավարժություն։ Ուսումնավարժության ղեկավարման շտաբի պետ նշանակվել էր Վայոց ձորի մարզային փրկարարական վարչության պետ, փ/ծ գնդապետ Հ. Սարգսյանը: Միջոցառման շրջանակներում մշակված սցենարի համաձայն փլուզվել է Վայոց ձորի մարզում գտնվող Հեր-Հերի ջրամբարի պատվարը, և անհրաժեշտ է անհապաղ իրականացնել բնակչության իրազեկման, որոնողափրկարարական և վթարավերականգնողական աշխատանքների համակարգում:
