Վայոց ձորի մարզպետի աշխատակազմ

Տարեթիվ, ամսաթիվ, ծննդավայր՝

1980թ․ փետրվարի 29, ՀՀ Վայոց ձորի մարզ, ք. Եղեգնաձոր

Կրթություն՝

1986-1997թթ.  սովորել և ավարտել է Եղեգնաձորի թիվ 1 միջնակարգ դպրոցը

1997-2004թթ. սովորել և ավարտել է Երևանի պետական համալսարանի պատմության ֆակուլտետը՝ պատմաբան մասնագիտությամբ

Աշխատանքային գործունեություն՝

2004-2005թթ. աշխատել է Եղեգնաձորի երկրագիտական թանգարանում որպես գիտաշխատող

2005-2021թթ. ծառայել է ՀՀ ՆԳՆ ոստիկանության Վայոց ձորի մարզային վարչության Եղեգնաձորի բաժնում՝ զբաղեցնելով տարբեր պաշտոններ

2021-2023թթ. ծառայել է ՀՀ ՆԳՆ ոստիկանության Վայոց ձորի մարզային վարչությունում որպես վարչության պետի տեղակալ, շտաբի պետ

2024թ. հունվարի 4-ին ՀՀ վարչապետի որոշումով նշանակվել է ՀՀ Վայոց ձորի մարզպետի տեղակալ

Այլ տվյալներ՝

1999-2001թ․ ծառայել է ՀՀ զինված ուժերում

Ունի ոստիկանության գնդապետի կոչում

Անձնական տվյալներ՝

Ամուսնացած է, ունի երեք որդի

Մարզպետի տեղակալին պաշտոնի է նշանակում և ազատում Հայաստանի Հանրապետության վարչապետը` մարզպետի առաջարկությամբ: Մարզպետի տեղակալը փոխարինում է մարզպետին նրա բացակայության ժամանակ, իրականացնում է մարզպետարանի կանոնադրությամբ իրեն վերապահված լիազորությունները:

Մարզպետի տեղակալը մարզպետի հանձնարարությամբ իրականացնում է նաև այլ լիազորություններ:

Մարզպետի տեղակալը չի կարող լինել համայնքի ավագանու անդամ, զբաղեցնել այլ պաշտոն կամ կատարել վճարովի այլ աշխատանք, բացի մանկավարժական, գիտական և ստեղծագործական աշխատանքից, և զբաղվել ձեռնարկատիրական գործունեությամբ:

<Կառավարչական իրավահարաբերությունների կարգավորման մասին> Հայաստանի Հանրապետության օրենքի համաձայն
 

ՀՀ Վայոց ձորի մարզպետի տեղակալը համակարգում է՝ մարզպետարանի քաղաքաշինության,  գյուղատնտեսության և բնապահպանության,  կրթության, մշակույթի և սպորտի, առողջության և սոցիալական ապահովության, ՏԻ և ՀԳՄ հարցերով վարչությունների,  քարտուղարության,  զարագացման ծրագրերի, զբոսաշրջության և վերլուծության, ընտանիքի, կանանց և երեխաների իրավունքների պաշտպանության, զորահավաքային նախապատրաստության,  տեղեկատվության և հասարակայնության հետ կապերի բաժինների,  հողաշինության և հողօգտագործման բաժին-մարզային հողային պետական տեսչության  աշխատանքները:

Նշված բնագավառներում նա`
ա) համակարգում է մարզպետարանի աշխատանքները՝ մարզպետի կողմից իրականացվող քաղաքականության՝ իրեն հանձնարարված բնագավառում.
բ) իր լիազորությունների սահմաններում համակարգում է մարզպետին վերապահված բնագավառում քաղաքականության ապահովման համար անհրաժեշտ՝ մարզպետարանի աշխատակազմի կառուցվածքային ստորաբաժանումների միջոցով իրականացվող աշխատանքները՝ տալով ցուցումներ և հանձնարարականներ.
գ) մարզպետարանի աշխատակազմի նպատակներին և խնդիրներին համապատասխան իրականացնում է իրեն հանձնարարված բնագավառի՝ մարզպետարանի աշխատակազմի ստորաբաժանումներին կոնկրետ հանձնարարականների ու առաջադրանքների սահմանում, դրանց կատարման նկատմամբ վերահսկողություն.
դ) մարզպետի հանձնարարությամբ իրականացնում է մարզպետի մոտ քննարկվելիք հարցերի նախնական քննարկումները.
ե) համակարգում է իրեն հանձնարարված բնագավառներում մարզպետարանի աշխատակազմի ստորաբաժանումների կողմից իրականացվող աշխատանքների մասնագիտական ուսումնասիրությունները և աշխատանքների ընթացքի օպերատիվ վերլուծությունը.
զ) իր լիազորությունների սահմաններում համագործակցում է պետական կառավարման և այլ մարմինների, կազմակերպությունների ու հիմնարկների հետ.
է) իրեն հանձնարարված բնագավառներում համակարգում է համապատասխան զարգացման ծրագրերի մշակումը և իրականացումը.
ը) մարզպետին պարբերաբար ներկայացնում է տեղեկատվություն իր կողմից համակարգվող բնագավառներում տիրող իրավիճակի մասին.
թ) ապահովում է իր կողմից համակարգվող բնագավառներում մարզպետի կարգադրությունների ու որոշումների կատարման նկատմամբ վերահսկողությունը և արդյունքների մասին տեղեկացնում մարզպետին.
ժ) մարզպետին և աշխատակազմի ղեկավարին ներկայացնում է առաջարկություններ նրանց իրավասությանը վերապահված հարցերի վերաբերյալ.
ժա) մարզպետի հանձնարարությամբ իրականացնում է այլ գործառույթներ: