Վայոց ձորի մարզպետի աշխատակազմ

 <Բաց կառավարման գործընկերության մասնակցային (ԲԿԳ) մոդել> ծրագիր

Արմավիրի զարգացման կենտրոն հասարակական կազմակերպությունը, ԱՄՆ պետքարտուղարության Հասարակայնության հետ կապերի գրասենյակի դրամաշնորհի շրջանակներում, իրականացնում է <Բաց կառավարման գործընկերության մասնակցային (ԲԿԳ) մոդել> ծրագիրը, որի նպատակն է նպաստել քաղաքացիական հասարակության մասնակցության զարգացմանն ու ապահովել քաղաքական երկխոսություն` ի նպաստ ԲԿԳ պարտավորությունների բարելավման, կառավարության թափանցիկությանը և հաշվետվողականության:
Ծրագրի շրջանակներում նախատեսվում են 11 հանրային լսումներ՝ Թաուն հոլեր ՀՀ բոլոր մարզերում և մայրաքաղաք Երևանում: Հանրային լսումների նպատակն է քննարկել ՀՀ ԲԿԳ 4-րդ գործողությունների ծրագրի (2018-2020թթ.) թիրախավորված 6 հանձնառությունների իրականացման ընթացքը, իրականացված աշխատանքների վերաբերյալ քաղաքացիների կարծիքները, հավաքագրել դրանց շուրջ նրանց դիրքորոշումներն ու հետադարձ կապը՝ ծառայությունների հետագա հնարավոր կատարելագործման ու զարգացման համար։
Թաուն հոլերն իրականացվելու են հետևյալ 6 հանձնառությունների շուրջ.

• Համայնքային կայքերի արդիականացում. տեղական մակարդակում հրապարակայնության, թափանցիկության և մասնակցայնության ամրապնդում
• Կրթության կառավարման տեղեկատվական միասնական համակարգ
• Բաց առողջապահություն. պետական պատվերի շրջանակում բուժման և ախտորոշման նպատակով առցանց հերթագրում
•  ՀՀ պետական բյուջեից դրամաշնորհների հատկացման թափանցիկության և հաշ¬վետվողականության ապահովում 
•  Ջրային ռեսուրսների միասնական տեղեկատվական համակարգի հասանելիություն
•  Հողային կադաստրի հանրային հասանելիության արդիականացում:                                                                                                                                     Հանդիպումները ենթադրում են բաց և մասնակցային քննարկման ձևաչափ, որի ընթացքում յուրաքանչյուր մասնակից հնարավորություն կունենա ներկայացված ոլորտային բարեփոխումների իրականացման վերաբերյալ առաջարկներ ներկայացնել, գաղափարներ փոխանակել:
  Հավաքված առաջարկները կամփոփվեն ԱԶԿ ՀԿ փորձագետների կողմից և կներկայացվեն ՀՀ Կառավարությանը՝ հանձնառությունները բարելավելու և ավելի հասցեական դարձնելու համար:                                                                                                                                                     Նախատեսված թաուն հոլերի իրականացման ժամանակացույցն՝ ըստ մարզերի.                                                                                                 
• 20.01.2021-Տավուշ
• 26.01.2021-Արմավիր
• 02.02.2021-Արագածոտն
• 09.02.2021-Արարատ
• 03.03.2021 -Գեղարքունիք
• 17.03.2021-Վայոց ձոր
• 16.04.2021-Սյունիք
• 20.04.2021-Կոտայք
• 11.04.2021-Երևան