Վայոց ձորի մարզպետի աշխատակազմ

Հայաստանի գիտության և տեխնոլոգիաների հիմնադրամը (FAST) ՀՀ կրթության,
գիտության, մշակույթի և սպորտի նախարարության հետ համատեղ հայտարարում են բաց մրցույթ հանրակրթական ուսումնական հաստատությունների համար՝ միանալու և փորձարկելու <ԱԲ սերունդ> դպրոցական երաշխավորված ծրագիրը։

<ԱԲ սերունդ> դպրոցական ծրագրի նպատակներն են՝
● ձևավորել խորացված մաթեմատիկայի և համակարգչային գիտության
հիմքային գիտելիքներ և հմտություններ՝ անհրաժեշտ ԱԲ ոլորտի համար,
● բացահայտել ԱԲ և ԳՏՃՄ ուղղությամբ գիտնականի և նորարարի
հեռանկարները,
● տրամադրել ԱԲ ոլորտի կիրառական գիտելիքներ և հմտություններ։

Այս եռամյա կրթական ծրագիրը նախատեսված է ավագ դպրոցի 10-ից 12-րդ
դասարանների աշակերտների համար և հնարավորություն կընձեռի նրանց․
● սովորել խորացված մաթեմատիկա, ծրագրավորում (Python), արհեստական
բանականության հիմունքներ,
● իրականացնել պրակտիկ նախագծեր ԱԲ ոլորտում,
● ստանալ անհրաժեշտ հմտություններ ու մասնագիտական կողմնորոշում ԱԲ
հետազոտողի ու նորարարի մասնագիտության հանդեպ հետաքրքրության
բարձրացման և այս ուղղությամբ հետագա կրթությունը շարունակելու համար։

2023-2024 թթ․ ուսումնական տարվանից ծրագիրը փորձարարական ձևաչափով
կներդրվի Երևանի և ՀՀ մարզերի 10 ավագ դպրոցներում։

Ծրագրի փորձարկման համար կարող են դիմել Երևանի և ՀՀ մարզերի բոլոր այն դպրոցները, որոնք բավարարում են հետևյալ պահանջները․

● ունեն ավագ դպրոցի բաղադրիչ,
● ունեն կամ կարող են ձևավորել խորացված մաթեմատիկայի ուսուցմամբ
աշակերտների խումբ,
● որպես օտար լեզու դասավանդվում է անգլերենը,
● համապատասխան ուսուցչական և վարչական կազմ կամ ներգրավման
հնարավորություն,
● ունեն անհրաժեշտ տարածքային ռեսուրսներ և տեխնիկական
հագեցվածություն,
● ծրագիրն իրականացնելու պատրաստակամություն և աջակցություն։
Ծրագրի մանարամասներին և դպրոցների ընտրության պահանջներին կարող եք
ծանոթանալ՝ ուսումնասիրելով տեղեկատվական գրքույկը և մասնակցելով առցանց
տեղեկատվական հանդիպումներին, որոնք տեղի կունենան հետևյալ օրերին․

     ● հունիսի 19՝ ժամը 15:00 (հանդիպման հղում)
     ● հունիսի 22՝ ժամը 15:00 (հանդիպման հղում)
     ● հունիսի 26՝ ժամը 15:00 (հանդիպման հղում)

Ծրագրի միանալու համար խնդրում ենք լրացնել հետևյալ հայտադիմումը։
Ծրագրին դիմելու վերջնաժամկետն է 2023 թ․-ի հունիսի 30-ը։

Հարցերի դեպքում կարող եք դիմել FAST հիմնադրամի Կրթական ծրագրերի բաժին՝ գրելով նամակ education@fast.foundation էլ․փոստի հասցեին կամ զանգահարելով +374 43 75 57 54 հեռախոսահամարով։

Ծրագրի մանրամասներին և զարգացումներին ծանոթացեք <ԱԲ սերունդ> կրթական ծրագրի ֆեյսբուքյան էջից։