Վայոց ձորի մարզպետի աշխատակազմ

Ավագ սերնդի հարգելի' ներկայացուցիչներ, սրտանց շնորհավորում եմ ձեզ մեծ խորհուրդ ունեցող այս օրվա առթիվ: Տոնը լավագույն առիթ է նորից ընդգծելու ձեր դերակատարությունը ավանդական արժեքները պահպանելու , սերունդներին փոխանցելու, մեր հասարակության մեջ և ընտանիքներում խաղաղություն և համերաշխություն ապահովելու գործում:
Ձեր կյանքի տարիների կուտակած փորձը և իմաստությունը, արժեքավոր խորհուրդները և մարդկային բարձր արժեքները մնում են այն ամուր և վստահելի հենարանը, որ առաջնորդում են հաջորդ սերունդներին: Դուք մեր ընտանիքների լույսն եք և օրհնությունը։
Մեր ամենօրյա աշխատանքի կարևոր նպատակներից պետք է լինի ձեզ համար ապահովել արժանապատիվ կյանք, հոգատար միջավայր և անհրաժեշտ կենսապայմաններ, ստեղծել ձեր ներուժը իրացնելու և հասարակական կյանքի տարբեր ոլորտներում հնարավորինս ընդգրկվելու հնարավորություն:
Մաղթում եմ ձեզ առողջություն ,երկար տարիների կյանք,բարեկեցություն: Թող միշտ շրջապատված լինեք ընտանեկան ջերմությամբ և ամենօրյա ուշադրությամբ, թող ձեզ մշտապես ուղեկցեն ձեր զավակների և թոռների սերն ու հոգատարությունը: