Վայոց ձորի մարզպետի աշխատակազմ

   Սիրելի՛ երիտասարդներ, ջերմորեն շնորհավորում եմ ձեզ Երիտասարդության միջազգային օրվա առթիվ։
   Երիտասարդությունը մեր հասարակության առաջընթացի, նոր գաղափարների և ստեղծարար ներուժի կարևորագույն շարժիչ ուժն է, և մշտապես պետք է արժևորել երիտասարդների անփոխարինելի դերը հասարակության զարգացման, առաջընթացի ապահովման, վաղվա կայուն և արժանապատիվ ապագայի կերտման գործընթացներում և հեռանկարներում։
   Սիրելի՛ երիտասարդներ, ձեր ձայնը կարևոր է և որոշիչ, ձեր դիրքորոշումները և ակտիվ մասնակցությունը հասարակական կյանքի տարբեր ոլորտներում խնդիրների բարձրաձայնման, լուծման, նորարարական գաղափարների կյանքի կոչման հարցերում՝ ողջունելի, խրախուսելի և խիստ անհրաժեշտ։
   Գաղտնիք չէ, որ երիտասարդությունը կյանքի՝ գիտելիքներով և հմտություններով զինվելու լավագույն շրջանն է, ուստի ձե՛ռք բերեք գիտելիքներ, յուրացրե՛ք հմտություններ, եղեք համարձակ և նպատակասլաց ձեր հրաշալի գաղափարները կյանքի կոչելու և հետևողական ձեր սահմանած առաջնահերթություններին հասնելու գործում, ձեր երիտասարդական ավյունով և ներուժով նպաստե՛ք ձեր բնակավայրի, համայնքի, մարզի, երկրի զարգացմանն ու շենացմանը։
   Թող յուրաքանչյուր նոր օր ձեզ համար բացի ինքնադրսևորման, մասնագիտական աճի և նոր հնարավորությունների ճանապարհներ։ Թող ձեր յուրաքանչյուր նախաձեռնություն վերածվի հաջողության, իսկ յուրաքանչյուր ձեռքբերում՝ նոր նպատակների սահմանման։
   Երիտասարդության ոլորտում մեր պետության վարած քաղաքականությունը ձեր ներուժի բացահայտման և դրսևորման լայն հնարավորություն է տալիս, ուստի մասնակցե՛ք հանրային կյանքի կառավարմանը, հասարակական գործընթացների բարեփոխմանը, ներդրե՛ք ձեր լուման պետականաշինության գործընթացներում։
   Մաղթում եմ ձեզ հաստատակամություն և նպատակասլացություն, շրջահայացություն և վստահություն սեփական ուժերի հանդեպ։