Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անցկացվեց «Արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող» մարզային հանձնաժողովի առաջին նիստը
02.07.2026
ՀՀ Վայոց ձորի մարզպետի աշխատակազմում 2026 թվականի հուլիսի 1-ին անցկացվեց «Արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող» մարզային հանձնաժողովի առաջին նիստը:
Նիստը նախագահում էր ՀՀ Վայոց ձորի մարզպետի տեղակալ Արսեն Խաչատրյանը, քարտուղարում էր ՀՀ Վայոց ձորի մարզպետի աշխատակազմի անձնակազմի կառավարման, փաստաթղթաշրջանառության և հասարակայնության հետ կապերի վարչության պետ Սրբուհի Դավթյանը: Մասնակցում էին նաև մարզպետի աշխատակազմի, ՀՀ ՆԳՆ փրկարար ծառայության Վայոց ձորի մարզային ՔՊ փրկարարական վարչության, ՀՀ վիճակագրական կոմիտեի Վայոց ձորի մարզային վարչության ներկայացուցիչները։
Օրակարգում ընդգրկված հարցերի շուրջ զեկուցեց գյուղատնտեսության և շրջակա միջավայրի պահպանության վարչության պետ Գեղամ Մարգարյանը՝ ներկայացնելով դեպքերը, որոնք առնչվում էին քարաթափմանը, սողանքին, գայլի և արջերի պատճառած վնասներին։ Դեպքերի գերակշիռ մասը վերաբերում էր արջերի պատճառած վնասներին։ Հանձնաժողովը դիտարկեց դեպքերը, ուսումնասիրեց ներկայացված փաստաթղթերը, կայացրեց համապատասխան որոշումներ։
