Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Վահագն Արսենյանի շնորհավորական ուղերձը Հանրապետության օրվա առթիվ
28.05.2026
Սիրելի' հայրենակիցներ, ջերմորեն շնորհավորում եմ բոլորիս Հանրապետության օրվա առթիվ:
Մայիսի 28-ի պատգամը հստակ է. միասնականության, համերաշխության, հայրենիքի նկատմամբ անվերապահ նվիրվածության, բարձր պատասխանատվության, անկոտրում կամքի արդյունքում են կերտվում հաղթանակները, արձանագրվում ձեռքբերումները:
Տոնի խորհրդի համատեքստում նորից ու նորից կարևորենք պետականության, անկախության և ինքնիշխանության արժեքները, դրանց պահպանման, ամրապնդման նկատմամբ հանընդհանուր պատասխանատվությունը և սերունդներին փոխանցելու հանձնառությունը:
Արժևորենք խաղաղ պայմաններում հայ ժողովրդի աշխատելու, արարելու, բարիքներ ստեղծելու կամքն ու ձգտումները, վերահաստատենք մեր պատրաստակամությունը աջակցելու խաղաղության և զարգացման ճանապարհով ընթացող մեր պետությանը, շենացնենք մեր հայրենի եզերքը:
Թող Հանրապետության տոնը դառնա յուրաքանչյուրիս համար ապագայի հանդեպ հավատի և վստահության, սեփական ուժերին ապավինելու, անսասան կամքի և վճռականության խորհրդանիշ:
Շնորհավո'ր Հանրապետության տոնը:
Կեցցե' Հայաստանի Հանրապետությունը:
