Վայոց ձորի մարզպետի աշխատակազմ

   Այսօր ՀՀ Վայոց ձորի մարզպետ Վահագն Արսենյանն ընդունել է Հայաստանում Եվրոպական Միության առաքելության նորանշանակ ղեկավար Սատու Կոյվուին։
   Մարզպետը շնորհավորել է Սատու Կոյվուին պատասխանատու պաշտոնն ստանձնելու առիթով, ապա շնորհակալություն հայտնել Եվրոպական Միության առաքելությանը իրականացվող կարևոր գործունեության համար։
   Սատու Կոյվուն ևս շնորհակալություն է հայտնել ջերմ ընդունելության համար՝ ընդգծելով, որ դիտորդական առաքելությունը շարունակելու է իր ակտիվ գործունեությունը ոչ միայն սահմանային հատվածներում, այլև սահմանամերձ համայնքներում՝ աջակցելով այնտեղ բնակվող ընտանիքներին և նպաստելով նրանց անվտանգ ու կայուն կենսապայմանների ապահովմանը։
   Հանդիպման ընթացքում կարևորվել են հետագա համագործակցության շարունակականության ու զարգացման ապահովման հարցերը։