Վայոց ձորի մարզպետի աշխատակազմ

   Հայրենիքի պաշտպանության համար զոհվածների հիշատակի օրվա կապակցությամբ ՀՀ Վայոց ձորի մարզպետ Վահագն Արսենյանը Ջերմուկ համայնքի ղեկավար Մանան Գևորգյանի, Սբ. Գայանե եկեղեցու հոգևոր հովիվ Տեր Գալուստ Սահակյանի, համայնքային կազմակերպությունների ներկայացուցիչների հետ Ջերմուկում ծաղիկներ է խոնարհել հերոսների հիշատակը հավերժացնող հուշարձանին, հարգանքի տուրք մատուցել նրանց հիշատակին:
   Վայոց ձորի մարզպետ Վահագն Արսենյանի գլխավորությամբ մարզպետի աշխատակազմի, ուժային կառույցների, տարբեր կազմակերպությունների ներկայացուցիչներ Եղեգնաձորում ևս ծաղիկներ են խոնարհել հայրենիքի պաշտպանության համար նահատակված հերոսների հիշատակը հավերժացնող հուշակոթողին՝ հարգելով նրանց անմահ հիշատակը:
   Փա՛ռք ու պատիվ հայրենիքի պաշտպանության համար բոլոր ժամանակներում զոհված հայորդիներին: