Վայոց ձորի մարզպետի աշխատակազմ

  Վայոց ձորի մարզպետ Վահագն Արսենյանն  Արենի համայնքի ղեկավար Հուսիկ Սահակյանի ուղեկցությամբ  այցելել է Ելփին բնակավայրի նորակառույց մանկապարտեզ։
   Շենքի կառուցման աշխատանքները մեկնարկել են 2023 թվականին և ավարտվել 2025 թվականի նոյեմբերին՝ ստեղծելով հարմարավետ, ժամանակակից և ապահով պայմաններ երեխաների համար։
   Մանկապարտեզը կառուցվել է սուբվենցիոն ծրագրի շրջանակում՝ ընդհանուր 326,040,000 ՀՀ դրամ բյուջեով, որից 80 տոկոսը պետական, իսկ 20 տոկոսը համայնքային ներդրում է։
   Ելփինի նորակառույց մանկապարտեզի պաշտոնական բացումը նախատեսվում է դեկտեմբեր ամսին: