Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Նվիրաբերվել են էլեկտրական հովիվներ
03.10.2025
ՀՀ Վայոց ձորի մարզպետի աշխատակազմի և Վայրի բնության և մշակութային արժեքների պահպանման հիմնադրամի միջև կնքված նվիրաբերության պայմանագրով Եղեգիս համայնքի առավել խոցելի բնակավայրերի մի խումբ բնակիչների տրամադրվել են 15 էլեկտրական հովիվներ՝ յուրաքանչյուրը 1 006 000 դրամ արժողությամբ։
Այն իրականացվել է Գյուղատնտեսության և շրջակա միջավայրի պահպանության վարչության համակարգմամբ <<Մեղմելով կյիմայի փոփոխությամբ պայմանավորված մարդ-վայրի կենդանի կոնֆլիկտը Հայաստանում>> ծրագրի շրջանակում։ Էլեկտրական հովիվների միջոցով հնարավորինս կկանխվի արջերի և վայրի այլ կենդանիների մուտքը այգիներ և մեղվափեթակների տեղակայման տարածքներ։
Միջոցառման ժամանակ ՀՀ Վայոց ձորի մարզպետ Կոլյա Միքաելյանը բարձր է գնահատել հիմնադրամի՝ մարզում վերջին տարիներին կատարած ներդրումները և դրանց արդյունքները, որոնք ուղղված են եղել հիմնականում մարդ-բնություն ներդաշնակության ապահովմանը։
Հիմնադրամի տնօրեն Ռուբեն Խաչատրյանը պատրաստակամություն է հայտնել տարբեր ծրագրերով և գործիքակազմերով սատարել համայնքների բնակիչներին՝ նշելով , որ դրանք կկրեն շարունակական բնույթ։
