Վայոց ձորի մարզպետի աշխատակազմ

   ՀՀ ՆԳՆ Փրկարար ծառայության հարգելի՛ աշխատակիցներ, համակարգի վետերաններ, շնորհավորում եմ ձեզ մասնագիտական տոնի՝ Փրկարարի օրվա առթիվ։
   Ձեր ընտրած մասնագիտության և աշխատանքի մեջ մեկտեղվում են մասնագիտական գիտելիքները և հմտությունները, մարդկային բարձր արժեքները և լավագույն մղումները։ Այն կոչում է և առաքելություն, երբ հավասարաչափ կարևորվում են նաև քաջությունը և խիզախությունը, կարեկցանքն ու անասելի պատասխանատվությունը, արագ կողմնորոշվելու և օպերատիվ գործելու կարողությունները։
   Այսօր և միշտ մենք պարտավոր ենք ձեզ ասելու երախտագիտության խոսքեր, գնահատելու ձեր մարդասիրական աշխատանքը, քանի որ ձեր աշխատանքի շնորհիվ կայացած համակարգը շարունակում է հասարակության հարգանքն ու վստահությունը վայելել, իսկ քաղաքացին բարդ ու դժվարին պահերին զգացել է ձեր աջակցությունն ու հոգատարությունը, արժևորել ձեր անձնուրաց աշխատանքը։
   Հարգելի՛ փրկարարներ, ձեր արհեստավարժությամբ շարունակեք ապահովել մեր հասարակության անվտանգությունը, փրկել ամենաթանկը՝ մարդկային կյանքը, անելանելի թվացող իրավիճակներից միայն ձեզ բնորոշ հմտությամբ և քաջությամբ գտնել ելքեր և լուծումներ, մասնագիտական պատվախնդրությամբ հաղթահարել փորձությունները և երջանկության ու բերկրանքի պահեր պարգևել մարդկանց։
   Կրկին շնորհավորելով մասնագիտական տոնի առթիվ՝ մաղթում եմ խաղաղություն, անվտանգ ծառայություն, հաջողություններ և մասնագիտական ձեռքբերումներ։ Թող ձեր աշխատանքի լավագույն գնահատականը լինի մարդկանց գոհունակ վերաբերմունքը, հասարակության անվերապահ հավատը ձեր աշխատանքի նկատմամբ։