Վայոց ձորի մարզպետի աշխատակազմ

   Վայոց ձորի մարզպետի աշխատակազմի կրթության, մշակույթի և սպորտի վարչության պետ Տատյանա Պոլուդնիցինան և ֆինանսական վարչության պետի պաշտոնում փորձագետ Գվիտոն Դավթյանն այցելեցին Հայաստանի Հանրապետության կառավարության <<Մինչև 2026 թվականը կառուցվող, հիմնանորոգվող կամ վերակառուցվող 300 դպրոցներ>> ծրագրի շրջանակներում վերանորոգվող/հիմնանորոգվող Մալիշկայի Միխայիլ Լոմոնոսովի անվան թիվ 2 միջնակարգ դպրոց և Ջերմուկի Մաքսիմ Գորկու անվան թիվ 1 հիմնական դպրոցներ՝ նոր ուսումնական տարվա նախաշեմին քննարկելու ընթացիկ մի շարք խնդիրներ, որոնք առնչվում են սեպտեմբերից երկու դպրոցների աշակերտների ուսումնական գործընթացի բնականոն ապահովմանը։
   Այնուհետև դիտարկվեցին Մալիշկայի թիվ 1 միջնակարգ դպրոցի և Ջերմուկի կրթահամալիրի պայմանները և հնարավորությունները՝ հիմնանորոգվող դպրոցների աշակերտների ուսումնական գործընթացը այդ կրթական հաստատություններում կազմակերպելու համար մինչև դպրոցների շահագործումը։
   Բոլոր 4 դպրոցների տնօրենների հետ քննարկվեցին բովանդակային, կազմակերպական, տեխնիկական տարաբնույթ հարցեր, որոնք առնչվում են առկա իրավիճակում ուսումնական գործընթացի հնարավորինս անխոչընդոտ կազմակերպմանը՝ գերակա համարելով աշակերտների կրթություն ստանալու իրավունքը: