Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Կոլյա Միքաելյանի շնորհավորական ուղերձը Սահմանադրության օրվա առթիվ
05.07.2025
Հարգելի՛ հայրենակիցներ, հպարտորեն շնորհավորում եմ բոլորիս մեր տոնացույցի կարևորագույն տոներից մեկի՝ Սահմանադրության օրվա առթիվ:
30 տարի առաջ հայ ժողովուրդը միասնական վճռականությամբ և հաստատակամությամբ ընդունեց Հայաստանի Հանրապետության Սահմանադրությունը՝ մեկ անգամ ևս ամրագրելով ինքնիշխան, ժողովրդավարական, սոցիալական, իրավական պետություն ունենալու քաղաքական կամքը, հավաստելով ազգային և միջազգային արժեքներին իր հանձնառությունն ու հավատարմությունը, պատասխանատվությունն ու պարտավորությունը:
Այսօր տոնի խորհրդի համատեքստում մեկ անգամ ևս կարևորենք բարձրագույն արժեքի՝ մայր օրենքի դերը պետության, հասարակության, յուրաքանչյուր քաղաքացու համար, նրա նկատմամբ բացարձակ և անվերապահ հարգանքը, սահմանադրական դրույթների և արժեքների պատշաճ արժևորումը,պահպանումն ու իրագործումը:
Հարգելի՛ հայրենակիցներ, մեզնից յուրաքանչյուրը պետության մի մասնիկն է, պետականության, հետևաբար նաև սահմանադրական արժեքների կրողն ու պահապանը, ուստի մեր քաղաքացիական համախմբվածությամբ և զգոնությամբ, պետականամետ մտածողությամբ և կարգապահությամբ, քաղաքակիրթ աշխարհի ժողովրդավարական արժեքներով առաջնորդվելու տրամաբանությամբ և գործելակերպով նպաստենք մեր երկրի առաջընթացին, զարգացմանր, բարգավաճմանը:
Կրկին շնորհավորելով ՀՀ Սահմանադրության առթիվ՝ մաղթում եմ քաղաքացիներին լավատեսություն, բարեկեցություն, համերաշխություն, պետությանը՝ խաղաղություն ,ամրություն, հզորացում:
