Վայոց ձորի մարզպետի աշխատակազմ

   Այսօր Վայոց ձորի մարզպետի աշխատակազմի կրթության, մշակույթի, սպորտի վարչության համակարգմամբ անցկացվեց «Հայաստանի Հանրապետության վարչապետի գավաթ» խճուղային հեծանվավազքի սիրողական մրցաշարի մարզային փուլը:
   Մալիշկա համայնքին հարակից մայրուղու՝ սահմանված 30 կմ տարածությունը հաղթահարելու համար պայքարեցին համայնքային փուլում մրցանակային տեղեր գրաված դպրոցների թիմերը, ընդհանուր հաշվով՝ 7-9-րդ դասարանների 12 աշակերտներ և 10-12-րդ դասարանների 24 աշակերտներ:
   Մեկնարկից առաջ թիմերին ողջունեց և հաջողություններ ցանկացավ ՀՀ Վայոց ձորի մարզպետ Կոլյա Միքաելյանը:
   Մարզական ոգևորության և համախմբվածության մթնոլորտում անցավ մարզական միջոցառումը։ Ձեռնարկվել էին անվտանգության անհրաժեշտ միջոցառումները։
   1-ին տարիքային խմբում հաղթող ճանաչվեցին Աղավնաձորի միջնակարգ դպրոցը /1-ին տեղ/, Ագարակաձորի միջնակարգ դպրոցը /2-րդ տեղ/ , Արփիի միջնակարգ դպրոցը /3-րդ տեղ/։
   2-րդ տարիքային խմբում մրցանակային տեղերը գրավեցին Արենիի միջնակարգ դպրոցը /1-ին տեղ/, Աղավնաձորի միջնակարգ դպրոցը /2-րդ տեղ/, Խնձորուտի միջնակարգ դպրոցը /3-րդ տեղ/։
   Լավագույն արդյունքներ ցուցաբերած թիմերը կմասնակցեն «Հայաստանի Հանրապետության վարչապետի գավաթ» խճուղային հեծանվավազքի սիրողական մրցաշարի եզրափակիչ փուլին։
   Հաջող մրցելույթների Աղավնաձորի և Արենիի միջնակարգ դպրոցների թիմերին հետագա մրցապայքարում: