Վայոց ձորի մարզպետի աշխատակազմ

   Այսօր Վայոց ձորի մարզպետի աշխատակազմի կրթության, մշակույթի, սպորտի վարչության համակարգմամբ անցկացվեց «Հայաստանի Հանրապետության վարչապետի գավաթ» խճուղային հեծանվավազքի սիրողական մրցաշարի համայնքային փուլը /Եղեգնաձորի տարածաշրջան/:
   Մալիշկա համայնքին հարակից մայրուղու՝ սահմանված 25 կմ տարածությունը հաղթահարելու համար մրցում էին Եղեգնաձորի տարածաշրջանի դպրոցների 132 աշակերտներ հետևյալ բաշխվածությամբ՝ 7-9-րդ դասարանների աշակերտներ 24 դպրոցներից 2-ական մասնակիցներով, 10-12-րդ դասարանների աշակերտներ 21 դպրոցներից 4-ական մասնակիցներով։
   Համընդհանուր ոգևորության և համախմբվածության մթնոլորտում անցավ մարզական միջոցառումը։ Ձեռնարկվել էին անվտանգության անհրաժեշտ միջոցառումները։
   1-ին տարիքային խմբում համառ պայքարի արդյունքում հաղթող ճանաչվեցին Արփիի միջնակարգ դպրոցը /1-ին տեղ/, Ագարակաձորի միջնակարգ դպրոցը /2-րդ տեղ/ , Աղավնաձորի միջնակարգ դպրոցը /3-րդ տեղ/։
2-րդ տարիքային խմբում մրցանակային տեղերը գրավեցին Աղավնաձորի միջնակարգ դպրոցը /1-ին տեղ/, Արենիի միջնակարգ դպրոցը /2-րդ տեղ/, Եղեգիսի միջնակարգ դպրոցը /3-րդ տեղ/։
   Մրցանակային տեղեր զբաղեցրած բոլոր դպրոցների թիմերը մայիսի 20-ին կմասնակցեն «Հայաստանի Հանրապետության վարչապետի գավաթ» խճուղային հեծանվավազքի սիրողական մրցաշարի մարզային փուլին։
  Տեսանյութը՝ https://www.facebook.com/share/v/1AfRhTvVz7/