Վայոց ձորի մարզպետի աշխատակազմ

  Վայոց ձորի մարզպետի աշխատակազմի կրթության, մշակույթի, սպորտի վարչության համակարգմամբ անցկացվեց «Հայաստանի Հանրապետության վարչապետի գավաթ» խճուղային հեծանվավազքի սիրողական մրցաշարի համայնքային փուլը /Վայքի տարածաշրջան/:
  Մալիշկա բնակավայրին հարակից մայրուղու՝ սահմանված 25 կմ տարածությունը հաղթահարելու համար պայքարի էին դուրս եկել Վայքի տարածաշրջանի դպրոցների 100 աշակերտներ հետևյալ բաշխվածությամբ՝ 7-9-րդ դասարանների աշակերտներ 18 դպրոցներից 2-ական մասնակիցներով, 10-12-րդ դասարանների աշակերտներ 16 դպրոցներից 4-ական մասնակիցներով։
Համընդհանուր ոգևորության և համախմբվածության մթնոլորտում անցավ մարզական միջոցառումը։ Ձեռնարկվել էին անվտանգության անհրաժեշտ միջոցառումները։
   1-ին տարիքային խմբում համառ պայքարի արդյունքում հաղթող ճանաչվեցին Խնձորուտի միջնակարգ դպրոցը /1-ին տեղ/, Ազատեկի միջնակարգ դպրոցը /2-րդ տեղ/ , Ջերմուկի թիվ 3 միջնակարգ դպրոցը /3-րդ տեղ/։
   2-րդ տարիքային խմբում մրցանակային տեղերը գրավեցին Խնձորուտի միջնակարգ դպրոցը /1-ին տեղ/, Ջերմուկի թիվ 3 միջնակարգ դպրոցը /2-րդ տեղ/, Մարտիրոսի միջնակարգ դպրոցը /3-րդ տեղ/։
  Մրցանակային տեղեր զբաղեցրած բոլոր դպրոցների թիմերը մայիսի 20-ին կմասնակցեն «Հայաստանի Հանրապետության վարչապետի գավաթ» խճուղային հեծանվավազքի սիրողական մրցաշարի մարզային փուլին։