Վայոց ձորի մարզպետի աշխատակազմ

   
   Մայիսի 7-ին ՀՀ Վայոց ձորի մարզպետի աշխատակազմի կրթության , մշակույթի, սպորտի վարչության համակարգմամբ անցկացվեց <<ՀՀ վարչապետի գավաթ>> դպրոցականների թիմային խճուղավազքի մարզային փուլը:
   Միջոցառմանը մասնակցում էին մարզի 25 դպրոցների թիմերը / 5 տղա և 2 աղջիկ/, ընդհանուր թվով՝ 175 աշակերտ:
   Միջոցառման մասնակիցներին ողջունեց Վայոց ձորի մարզպետ Կոլյա Միքաելյանը, ով կարևորեց սպորտի առանցքային և անբաժանելի դերը մարդու կյանքում՝ նշելով, որ այն կերտում է բնավորություն, ամրացնում կամքի ուժը, իսկ թիմային մարզաձևերը զարգացնում են նաև համախմբվածություն և միասնականություն:
   Այնուհետև տրվեց մրցույթի մեկնարկը. թիմերը պետք է հաղթահարեին Ագարակաձորից դեպի Գռավ ձգվող ճանապարհի 5 կմ հատվածը:
   <<ՀՀ վարչապետի գավաթ>> դպրոցականների թիմային խճուղավազքի Վայոց ձորի մարզային փուլում հաղթող ճանաչվեց Արենիի միջնակարգ դպրոցի թիմը, որն իրավունք ստացավ մայիսի 17-18-ը Դիլիջանում մասնակցելու եզրափակիչ փուլին:
2-րդ և 3-րդ տեղերը գրավեցին համապատասխանաբար Աղավնաձորի և Ագարակաձորի միջնակարգ դպրոցների թիմերը:
   Մրցանակային տեղեր գրաված երեք թիմերն էլ ստանում են ԿԳՄՍ նախարարության կողմից սահմանված հավաստագրեր։