Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Կոլյա Միքաելյանի ուղերձը Հայոց ցեղասպանության 110-րդ տարելիցի կապակցությամբ
24.04.2025
Հարգելի՛ հայրենակիցներ, այսօր մենք ոգեկոչում Հայոց ցեղասպանության՝ Մեծ եղեռնի զոհերի հիշատակը։
20-րդ դարի սկզբի ողբերգական իրադարձությունները խոր հետք են թողել մեր պատմության վրա , յուրաքանչյուր հայի գիտակցության վրա։
Ապրելով մեծ ողբերգություն՝ հայ ժողովուրդը, ի հեճուկս պատմական ճակատագրի դաժան փորձությունների և թեկուզ սփռված աշխարհի տարբեր ծայրերում, կարողացավ վեր հառնել իր շեների և օջախների մոխիրներից և ավերակներից, շտկել իր մեջքը, նորից արարել, ստեղծել, ստեղծագործել և ապացուցել ,որ աննկուն է հայոց ոգին․․․
Այսօր՝ 110 տարի անց, և ընդմիշտ մենք հիշելու ենք անմեղ զոհերին , հարգանքի տուրք ենք մատուցելու նրանց հիշատակին, դասեր ենք քաղելու մեր անցյալից, խորհելու ազգային խնդիրների շուրջ, նորից ու նորից համոզվելու ենք , որ հայ ազգի կենսունակության և հարատևության գրավականները միաբանությունը, համախմբվածությունը, ազգային ինքնության պահպանումն ու առկա մարտահրավերներին ողջամտորեն դիմագրավելն են։
Փա՛ռք նահատակներին եւ կեցցե՛ Հայաստանի Հանրապետությունը։
