Վայոց ձորի մարզպետի աշխատակազմ

   Ավարտվեց ՀՀ Վայոց ձորի մարզի «Դպրոցականների բասկետբոլի լիգա» մարզական խաղերի մարզային փուլը։
   Առաջին տարիքային խմբի / 5-6-րդ դասարանների աշակերտներ / եզրափակիչ մրցույթում հանդիպեցին Եղեգնաձորի Հ․Հովհաննիսյանի անվան թիվ 2 հիմնական և Ազատեկի ու Հերհերի միջնակարգ դպրոցների աշակերտները։
   Երկրորդ տարիքային խմբի / 7-9-րդ դասարանների աշակերտներ / եզրափակիչ մրցույթում հանդիպեցին Վայքի հիմնական և Արենիի միջնակարգ դպրոցների թիմերը։
   Համառ և գեղեցիկ պայքարում հաղթողներ ճանաչվեցին Եղեգնաձորի թիվ 2 և Վայքի հիմնական դպրոցների թիմերը։
   Խաղերի ավարտից հետո Վայոց ձորի մարզպետի տեղակալ Բագրատ Սողոմոնյանը շնորհավորեց բոլոր դպրոցականներին և դպրոցների ներկայացուցիչներին՝ ցանկանալով նոր հաղթանակներ և հաջողություններ։
   Եզրափակիչ խաղերի բոլոր չորս թիմերն էլ արժանացան ԿԳՄՍ նախարարության կողմից սահմանված մրցանակների՝ հավաստագրերի, գավաթների, և իրավունք ստացան մասնակցելու մրցույթի միջմարզային փուլին։