Վայոց ձորի մարզպետի աշխատակազմ

   Ավարտվեցին <<Հայաստանի Հանրապետության Վարչապետի գավաթ>> սիրողական սեղանի թենիսի Վայոց ձորի մարզի տարածաշրջանային փուլերը։
Մրցույթների նախապատրաստական և անցկացման աշխատանքները համակարգվել են ՀՀ Վայոց ձորի մարզպետի աշխատակազմի կրթության, մշակույթի և սպորտի վարչության կողմից։
   Եղեգնաձորի տարածաշրջանում տարիքային երկու խմբերում հանդես են եկել 11 դպրոցների 88 մասնակիցներ։ Առաջին տարիքային խմբում /5-9-րդ դասարաններ/ հաղթող ճանաչվեցին Եղեգնաձորի թիվ 1 հիմնական դպրոցը / 1-ին տեղ, Չիվայի միջնակարգ դպրոցը /2-րդ տեղ/, Եղեգնաձորի Հովհ․ Հովհաննիսյանի անվան թիվ 2 հիմնական դպրոցը /3-րդ տեղ/։
   Տարիքային երկրորդ խմբում /10-12-րդ դասարաններ/ լավագույն արդյունք ցուցաբերեց Եղեգնաձորի վարժարանը, իսկ 2-րդ և 3-րդ տեղերը գրավեցին համապատասխանաբար Արենիի և Չիվայի միջնակարգ դպրոցները։
Վայքի տարածաշրջանում տարիքային երկու խմբերում հանդես են եկել 8 դպրոցների 64 մասնակիցներ։ Առաջին տարիքային խմբում /5-9-րդ դասարաններ/ հաղթող ճանաչվեցին Բարձրունու միջնակարգ դպրոցը / 1-ին տեղ/, Արտավանի միջնակարգ դպրոցը /2-րդ տեղ/, Մարտիրոսի միջնակարգ դպրոցը /3-րդ տեղ/։
   Տարիքային երկրորդ խմբում /10-12-րդ դասարաններ/ լավագույն արդյունք ցուցաբերեց կրկին Բարձրունու միջնակարգ դպրոցը, իսկ իսկ 2-րդ և 3-րդ տեղերը գրավեցին համապատասխանաբար Արտավանի և Գնդեվազի միջնակարգ դպրոցները։
Տարածաշրջանային փուլում հաղթող ճանաչված դպրոցների թիմերը ապրիլի 11-ին կմասնակցեն մարզային փուլին։