Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Տեղեկություններ մեղվաբուծության զարգացման փորձնական ծրագրի վերաբերյալ

11.03.2025

   Հարգելի՛ քաղաքացիներ, գյուղատնտեսական ոլորտի պետական օժանդակության ծրագրերի իրազեկման աշխատանքների շրջանակում ներկայացնում ենք մեղվաբուծության զարգացման փորձնական ծրագրի վերաբերյալ տեղեկություններ։
   Մեղվաբուծության զարգացման փորձնական ծրագիրը կիրականացվի Հայաստանի Հանրապետության բոլոր մարզերում 2024-2025թթ․ ընթացքում։
   Ծրագրի նպատակն է նպաստել մեր երկրում մեղվաբուծության խթանմանը, ճյուղի արդյունավետության բարձրացմանը, սահմանամերձ բնակավայրերի չօգտագործվող բնական կերհանդակների այլընտրանքային օգտագործման խթանմանը, ինչպես նաև մեղվաբուծական տնտեսությունների և արտադրվող մեղրամթերքի մրցունակության բարձրացմանը:
   Նախատեսվում է ծախսերի փոխհատուցման եղանակով մարզերի ազգաբնակչությանը հնարավորություն ընձեռել երկու տարվա ընթացքում ձեռք բերել 10000 մեղվաընտանիք։
   Մեկ մեղվաընտանիքի (մեղվափեթակների հետ միասին՝ 8-12 շրջանակով) արժեքը սահմանված է 80000 ՀՀ դրամը։
   Ծրագրի պայմաններն են՝
1. ծրագրի շահառու կարող են հանդիսանալ իրավաբանական անձինք և անհատ ձեռնարկատերերը․
2. յուրաքանչյուր շահառու կարող է ձեռք բերել նվազագույնը՝ 10 և առավելագույնը՝ 50 մեղվաընտանիք (մեղվափեթակների հետ միասին՝ 8-12 շրջանակով)․
3. փոխհատուցվում է ձեռք բերված յուրաքանչյուր մեղվաընտանիքի (մեղվափեթակի հետ միասին) արժեքի 50 %-ը, բայց ոչ ավելի, քան 40000 ՀՀ դրամը։

   Ծրագրի շրջանակներում նախապատվությունը կտրվի երիտասարդ ընտանիքներին (ամուսինների տարիքի հանրագումարը 70 տարեկանից ոչ բարձր), ցանկացած նպատակով սոցիալական աջակցություն ստացող ընտանիքներին, զինվորական ծառայության պարտականությունների կատարման ժամանակ մարտական հերթապահության կամ գործողությունների իրականացման արդյունքում հաշմանդամ դարձած քաղաքացիներին։

   Ծրագրին մասնակցելու նպատակով շահառուն պետք է նախարարություն ներկայացնի՝
1. էլեկտրոնային եղանակով դիմում՝ secretariat@mineconomy.am էլեկտրոնային հասցեին՝ նշելով ձեռք բերվող մեղվաընտանիքների ((մեղվափեթակների հետ միասին՝ 8-12 շրջանակով) քանակը և ձեռքբերման ժամկետը, բարվոք վարկային պատմության վերաբերյալ ԱՔՐԱ տեղեկատվություն, հարկային պարտավորությունների վերաբերյալ տեղեկանք․
2. ձեռք բերված մեղվաընտանիքները պետք է լինեն բացառապես տվյալ տարում ստացված սերնդից և ունենան անասնաբուժական տեղեկանք, որը կհավաստի մեղուների հիվանդությունների դեմ պատվաստված լինելու հանգամանքը․
3. եթե ձեռք է բերվել 15-ից ավելի մեղվաընտանիք, ապա շահառուն պետք է ներկայացնի նաև մեկ տարի ժամկետով բանկային երաշխիք՝ ձեռք բերված մեղվաընտանիքների ընդհանուր արժեքի և 600 հազար դրամի տարբերության չափով։
   Շահառուն, մեղվաընտանիքը (մեղվափեթակով) պետք է ձեռք բերի իրավաբանական անձից կամ անհատ ձեռնարկատերից:
«Մեղվաբուծության զարգացման փորձնական ծրագրի» շրջանակում մեղվափեթակ և մեղվաընտանիք վաճառող իրավաբանական անձանց կամ անհատ ձեռնարկատերի ցանկ:
   Սույն ծրագրից յուրաքանչյուր շահառու կարող է օգտվել միայն մեկ անգամ։
Ծրագրի մանրամասներին կարող եք ծանոթանալ այստեղ:
   Ծրագրի վերաբերյալ խորհրդատվություն ստանալու համար կարող եք դիմել.
ԹԵԺ ԳԻԾ` 81-40


 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2025-04-03 18:22:34