Տեղեկատվական կենտրոն
Նորություններ
Այցելություններ բուժակ-մանկաբարձական կետեր
07.03.2025
Օրերս Վայոց ձորի մարզպետ Կոլյա Միքաելյանի հանձնարարությամբ մարզպետի տեղակալ Բագրատ Սողոմոնյանը, մարզպետի խորհրդական Վահե Թադևոսյանը , մարզպետի աշխատակազմի առողջապահության և սոցիալական ոլորտի հարցերի վարչության պետ Վասիլ Ասլանյանը,նույն վարչության գլխավոր մասնագետ Լիլիա Կարապետյանը այցելել են Վայքի համայնքի Բարձրունու, Սերս, Մարտիրոս բնակավայրերի բուժակ-մանկաբարձական կետեր /ԲՄԿ-ներ/։ Այցելությունների հաջորդ կանգառը եղել են Նոր Ազնաբերդի և Խնձորուտի ԲՄԿ-ները։
Այցերի նպատակն էր տեղում դիտարկել ԲՄԿ-ների նյութատեխնիկական հագեցվածությունը, պայմանները և հրատապ լուծումներ պահանջող խնդիրները։
Մարզպետարանի ներկայացուցիչները արձանագրել են, որ ԲՄԿ-ները ընդհանուր առմամբ ապահովված են բուժակ-մանկաբարձական կետերի համար նախատեսված անհրաժեշտ սարքավորումներով, գործիքներով, դեղորայքով։Սակայն շենքային պայմանների առումով կան մի շարք խնդիրներ, մասնավորապես որոշ ԲՄԿ-ները մասնակի կամ ամբողջովին վերանորոգման կարիք ունեն։
Այցերի ժամանակ բուժաշխատողների հետ քննարկվել են ԲՄԿ-ների գործունեությանն առնչվող մի շարք հարցեր՝ կարևորելով նրանց դերը գյուղական բնակչության շրջանում մատուցվող ծառայությունների առումով։
Վայոց ձորի մարզպետի աշխատակազմը շարունակելու է ԲՄԿ-ներ պարբերական այցեր իրականացնել՝ առկա վիճակը դիտարկելու և խնդիրներին ըստ անհրաժեշտության լուծումներ տալու համար։