Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպում քաղաքացիների հետ
04.03.2025
ՀՀ Վայոց ձորի մարզպետ Կոլյա Միքաելյանի նախաձեռնությամբ և մարզպետի աշխատակազմի առողջապահության և սոցիալական ոլորտի հարցերի վարչության համակարգմամբ մարտի 3-ին մարզպետի աշխատակազմի նիստերի դահլիճում տեղի ունեցավ հանդիպում քաղաքացիների հետ։
Հանդիպմանը հրավիրվել էին այն քաղաքացիները, ովքեր դիմել էին մարզպետի աշխատակազմ հիմնականում սոցիալական բնույթի հարցերով։
Մարզպետ Կոլյա Միքաելյանը կարևորեց քաղաքացիների հետ նաև այս ձևաչափով հանդիպումները և դրանց պարբերական բնույթի ապահովումը։
Մարզպետի աշխատակազմի առողջապահության և սոցիալական ոլորտի հարցերի վարչության պետ Վասիլ Ասլանյանը նշեց, որ քաղաքացիների սոցիալական խնդիրներն իրենց ուշադրության կենտրոնում են, և վարչության գործառույթների շրջանակներում նրանց սոցիալական բեռի մեղմմանն ուղղված համապատասխան աշխատանքներ են տարվում։
Շուրջ 20 քաղաքացի բարձրաձայնեցին իրենց խնդիրների մասին, որոնք հիմնականում վերաբերում էին դրամական օգնությունների տրամադրմանը, կենցաղային պայմանների բարելավմանը, բուժօգնության տրամադրմանը, գյուղատնտեսական ծրագրերում ընդգրկվելուն, բնակարանային ապահովության ծրագրի շահառու դառնալուն և այլն։ Մյուս քաղաքացիների խնդիրները ևս կդիտարկվեն և կտրվեն համապատասխան լուծումներ։
Ամփոփելով հանդիպումը՝ մարզպետ Կոլյա Միքաելյանը նշեց, որ հաճախ դրամական օգնությունների տրամադրումը ապահովում է խնդրի կամ իրավիճակի ժամանակավոր լուծում, ուստի հարկ է ավելի երկարաժամկետ արդյունքներ ապահովող մեխանիզմներ մշակել և քայլեր ձեռնարկել՝ աշխատանքի տեղավորում, պետական աջակցության տարբեր ծրագրերում ներգրավում, մասնագիտական հմտությունների ձեռքբերում և այլն։
