Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզպետ Կոլյա Միքաելյանը մասնակցեց Հայաստանում Եվրոպական միության դիտորդական առաքելության գործունեության 2-ամյակին նվիրված միջացառմանը
03.03.2025
Փետրվարի 28-ին ՀՀ Վայոց ձորի մարզպետ Կոլյա Միքաելյանը մասնակցեց Հայաստանում Եվրոպական միության դիտորդական առաքելության գործունեության 2-ամյակին նվիրված հանդիսավոր միջացառմանը:
Արարողությանը ներկա էին ՀՀ օրենսդիր և գործադիր մարմինների, դիվանագիտական կորպուսի, մարզային իշխանությունների ներկայացուցիչներ, հյուրեր:
Հնչեցին ելույթներ, որտեղ կարևորվեցին դիտորդական առաքելության գործունեության արդյունքները, կայունության և սահմանային միջադեպերի նվազմանը գործում ունեցած ակնհայտ դերակատարությունը, սահմանամերձ բնակավայրերի բնակիչների շրջանակնում անվտանգության զգացողության ձևավորումը և այլ ձեռքբերումներ, որոնք նպաստեցին գործունեության մանդատի երկարացմանը:
ՀՀ Վայոց ձորի մարզպետ Կոլյա Միքաելյանն իր ելույթում նշեց. <<Եվրոպական միության կարևոր որոշումը՝ Հայաստանի Հանրապետության տարածքում տեղակայելու դիտորդական առաքելություն, դարձավ կարևոր աջակցության խորհրդանիշ, որը նպատակ ունի ապահովելու սահմանային իրավիճակի մշտադիտարկումը,նվազեցնելու լարվածությունը և նպաստելու խաղաղ գործընթացի ամրապնդմանը:Մեր տարածաշրջանում խաղաղություն հաստատելու գործընթացը բարդ ու երկարատև է,բայց ձեր գործադրած ջանքերը ցույց են տալիս,որ այդ նպատակին հնարավոր է հասնել ,եթե կա քաղաքական կամք, միջազգային համերաշխություն և շարունակական համագործակցություն>>:
Բարձր գնահատելով Հայաստանի և Եվրոպական միության հարաբերությունների զարգացման ներկայիս մակարդակը և դիտորդական առաքելության ներդրած ջանքերը Հայաստանի Հանրապետության սահմանների անվտանգությանն ու տարածաշրջանային կայունությանը նպաստելու գործում և ի նշան երախտագիտության՝ Կոլյա Միքաելյանը Հայաստանում Եվրոպական միության պատվիրակության ղեկավար Վասիլիս Մարագոսին, դիտորդական առաքելության ղեկավար Մարկուս Ռիտերին և առաքելությանը հանձնեց շնորհակալագրեր:
