Վայոց ձորի մարզպետի աշխատակազմ

   Ի կատարումն ՀՀ կառավարության 30 նոյեմբերի 2023 թվականի N 2093-Ն որոշման՝ «300 դպրոցների կառուցման, վերակառուցման կամ հիմնանորոգման» ծրագրի շրջանակներում մեկնարկում են Վայոց ձորի մարզի Եղեգիս համայնքի Քարագլուխ բնակավայրի կրթահամալիրի կառուցման ծրագրի շինարարական աշխատանքները:
   Մինչև շինարարական աշխատանքների մեկնարկը կրթության անխափան շարունակական ապահովման համար իրականացվել է դպրոցի աշակերտներին ժամանակավոր այլ վայր տեղափոխելու գործընթացը:
   Ուսումնական գործընթացի պայմանները և խնդիրները դիտարկելու համար փետրվարի 24-ին Քարագլուխ էին այցելել Վայոց ձորի մարզպետի տեղակալ Բագրատ Սողոմոնյանը, մարզպետի աշխատակազմի կրթության, մշակույթի և սպորտի վարչության պետ Տատյանա Պոլուդնիցինան, քաղաքաշինության, ենթակառուցվածքների կառավարման և հողաշինության վարչության գլխավոր մասնագետ Գվիդոն Հարությունյանը։
   Նրանք այցելել են նախ Քարագլխի դպրոցի շենք, ապա այն կառույցները, որտեղ կազմակերպվում է աշակերտների ուսումնառության գործընթացը, փաստել, որ դպրոցի տնօրենության կողմից անհրաժեշտ ժամկետներում կատարվել է մեծ ծավալի աշխատանք տեղափոխման և նոր պայմաններում ուսումնական գործընթացի ապահովման համար։ Միաժամանակ արձանագրվել են որոշ խնդիրներ, որոնց լուծման ուղղությամբ տրվել են համապատասխան հանձնարարականներ ավելի հարմար պայմաններ ապահովելու համար։