Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Քննարկում Վայոց ձորի մարզպետի աշխատակազմում

21.02.2025

   Օրերս ՀՀ Վայոց ձորի մարզպետ Կոլյա Միքաելյանի գլխավորությամբ մարզպետի աշխատակազմում տեղի ունեցավ քննարկում մարզում թափառող շների, առկա վտանգների և դրանց մեղմման ուղղությամբ կատարված աշխատանքների վերաբերյալ։
   Այն նախաձեռնել էր մարզպետի աշխատակազմի գյուղատնտեսության և շրջակա միջավայրի պահպանության վարչությունը։Մասնակցում էին մարզպետի աշխատակազմի տարբեր ստորաբաժանումների ներկայացուցիչներ,համայնքի ղեկավարներ, համայնքապետարանների ներկայացուցիչներ, այլ շահագրգիռ անձինք։
   Մարզպետ Կոլյա Միքաելյանը կարևորեց խնդրի լուծման ուղղությամբ ձեռնարկվելիք համատեղ քայլերը, արդյունավետ մոտեցումները, հետագա ռիսկերի օբյեկտիվ գնահատումը։
   Մարզպետի աշխատակազմի գյուղատնտեսության և շրջակա միջավայրի պահպանության վարչության պետ Գեղամ Մարգարյանը ներկայացրեց, որ մինչ այժմ խնդրի լուծման ուղղությամբ կատարվել են կարճաժամկետ արդյունքներ ապահովող աշխատանքներ։ 2020-2021 թթ․ Եղեգնաձոր համայնքի Եղեգնաձոր բնակավայրի տարածքում կազմակերպվել է թափառող շների հավաք Երևանի քաղաքապետարանի համապատասխան ՀՈԱԿ-ի հետ /28 թափառող շուն հավաքվել, տեղափոխվել է Երևան, կատարվել ստերջացում/։ Սակայն խնդիրն ավելի համակարգային և երկարաժամկետ արդյունք ապահովող լուծում է պահանջում։
   Գ․ Մարգարյանը ներկայացրեց, որ քննարկումների արդյունքում եկել են այն եզրահանգման, որ արդյունավետ լուծում է ՀՀ կառավարություն-համայնքներ համատեղ ֆինանսավորմամբ մարզի թափառող շների համար կառուցել կացարան, որտեղ կիրականացվեն կենդանիների ստերջացման և անասնաբուժական զննության աշխատանքներ։
Համայնքների ներկայացուցիչները պատրաստակամություն հայտնեցին աջակցել ծրագրի իրագործմանը։Մարզպետ Կոլյա Միքաելյանն առաջարկեց բոլոր շահագրգիռ կողմերի ներգրավմամբ ստեղծել աշխատանքային խումբ խնդրի լուծման ուղղությամբ կոնկրետ քայլեր ձեռնարկելու համար։
   Մասնակիցներն անդրադաձան նաև կառուցվելիք կացարանի գործարկմանը , հետագա պահպանմանը, ծառայությունների ընդլայնմանը, ռիսկերի գնահատմանն առնչվող այլ հարցերի։

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2025-04-03 18:22:34