Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վայոց ձորի մարզում մեկնարկեց «Դպրոցականների բասկետբոլի լիգա» մարզական խաղերի առաջին՝ համայնքային փուլը
12.02.2025
Այսօր ՀՀ Վայոց ձորի մարզի Եղեգիսի նորակառույց միջնակարգ դպրոցում մեկնարկեց «Դպրոցականների բասկետբոլի լիգա» մարզական խաղերի առաջին՝ համայնքային (նախընտրական) փուլը։
Ներկաներին և մասնակիցներին ողջունեց ՀՀ Վայոց ձորի մարզպետի աշխատակազմի կրթության, մշակույթի և սպորտի վարչության պետ Տատյանա Պոլուդնիցինան՝ մաղթելով մարզական հաջողություններ, միասնական կամք և թիմային ոգի։
Այսօր տարիքային առաջին խմբում /5-6-րդ դասարաններ/ իրենց ուժերը չափեցին հետևյալ ուսումնական հաստատությունները՝ Քարագլխի միջնակարգ դպրոց-Եղեգնաձորի թիվ 1 հիմնական դպրոց, Շատինի միջնակարգ դպրոց- Չիվայի միջնակարգ դպրոց, Աղնջաձորի միջնակարգ դպրոց-Արենիի միջնակարգ դպրոց, Եղեգնաձորի վարժարան-Ագարակաձորի միջնակարգ դպրոց, Արփիի միջնակարգ դպրոց-Գլաձորի միջնակարգ դպրոց։
Առաջիկա օրերին, ժամանակացույցի համաձայն, կմրցեն այլ հաստատությունների աշակերտները ևս , իսկ տարիքային 2-րդ խմբի /7-9-րդ դասարաններ/ խաղերը կմեկնարկեն փետրվարի 19-ից։
Հավելենք, որ «Դպրոցականների բասկետբոլի լիգա» մարզական խաղերն անցկացվում են աշակերտների շրջանում բասկետբոլի մասսայականացման, առողջ ապրելակերպի քարոզման և տաղանդավոր ու հեռանկարային մարզիկներին ասպարեզ բերելու նպատակով:
