Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Վայոց ձորի մարզպետ Կոլյա Միքաելյանը հյուրընկալեց Հեղինակային երգի հանրապետական մրցույթ-փառատոնի վայոցձորցի հաղթողներին
31.12.2024
Դեկտեմբերի 30-ին ՀՀ Վայոց ձորի մարզպետ Կոլյա Միքաելյանը հյուրընկալեց Հեղինակային երգի հանրապետական մրցույթ-փառատոնի վայոցձորցի հաղթողներին, մասնակիցներին և նրանց ուսուցիչ, երգիչ-երգահան Արման Վարդանյանին։
Մարզպետը կարևորել է երիտասարդ սերնդի գեղագիտական դաստիարակությանն ուղղված նախաձեռնությունները, ապա բարձր է գնահատել Արման Վարդանյանի ներդրած ջանքերը Վայոց ձորի մարզի մշակութային ոլորտի զարգացման, հեղինակային երգի ուսուցման և տարածման գործում,իսկ երեխաներին շնորհակալություն հայտնել փառատոնին լավագույն մասնակցություն ցուցաբերելու համար։Նրանք մարզպետի կողմից արժանացան շնորհակալագրերի։
Երիտասարդ կատարողներն իրենց հեղինակային ստեղծագործություններով հիացմունք պատճառեցին մարզպետի աշխատակազմի ներկայացուցիչներին։
Հիշեցնենք, որ ԿԳՄՍ նախարարության նախաձեռնությամբ և ֆինանսավորմամբ ,,Ջերմ Ամանոր Ջերմուկում,, ծրագրի շրջանակներում անցկացվել է Հեղինակային երգի հանրապետական մրցույթ-փառատոնի գալա-համերգը, այնուհետև հաջորդած մրցանակաբաշխության ընթացքում հայտարարվել են հատուկ և լավագույն մրցանակ ստացած մասնակիցները:
<<Լավագույն մասնակից>> տիտղոսին արժանացել են նաև Վայոց ձորից հեղինակ-կատարողներ Մերի Սարգսյանը և Սուսաննա Մարգարյանը, նրանց նվագակցել են Աննա Օհանյանը, Աննա Հարությունյանը, Տաթև Սմբատյանը, Գագիկ Սարգսյանը։
