Վայոց ձորի մարզպետի աշխատակազմ

   Օրերս Եղեգնաձորի մշակույթի կենտրոնը միավորել էր դասական երաժշտության երկրպագուներին: Վայոցձորյան դասական երաժշտության փառատոնի շրջանակներում հանդես եկան Վայոց ձորի երաժիշտ կատարողները /Եղեգնաձորի երաժշտական դպրոցի և Եղեգնաձորի մշակույթի կենտրոնի <<Արմենիան>> ստուդիայի սաները/ և Երևանի Առնո Բաբաջանյանի անվան երաժշտական քոլեջի երիտասարդ երգիչները օպերային երգչուհի-մանկավարժ Օֆելյա Համբարձումյանի գլխավորությամբ:
   Պատանի երգիչ-երաժիշտների գեղեցիկ կատարումներով հանդիսատեսը վայելեց դասական երաժշտության հարստությունն ու գեղեցկությունը, հիացավ շնորհալի երեխաների ելույթներով:
   Երգչուհի-մանկավարժ Օֆելյա Համբարձումյանն իր խոսքում կարևորեց մարզերում նման փառատոների անցկացումը, ինչ հնարավորություն է տալիս նաև տեղում բացահայտել օժտված երեխաներին և ուղղորդել նրանց դեպի ավելի մեծ ասպարեզներ:
   Եղեգնաձորի մշակույթի կենտրոնի տնօրեն Մարո Սիմոնյանն իր ելույթում կարևորեց դասական երաժշտության ստեղծագործությունների ներկայացումը՝ հույս հայտնելով , որ փառատոնը հետագայում կունենա շարունակություն ավելի ընդլայնված ձևաչափով։
Վերջում Վայոց ձորի մարզպետ Կոլյա Միքաելյանի կողմից երգչուհի-մանկավարժ Օֆելյա Համբարձումյանին և փառատոնի մասնակից երիտասարդ կատարողներին շնորհակալագրեր հանձնեց մարզպետի տեղակալ Արսեն Խաչատրյանը: