Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հանդիպումներ ԼՂ-ից տեղահանված և Վայք համայնքի Ազատեկ, Զառիթափ և Վայք բնակավայրերում ապրող քաղաքացիների հետ
16.12.2024
ՀՀ Վայոց ձորի մարզպետի աշխատակազմի ներկայացուցիչների՝ Լեռնային Ղարաբաղից բռնի տեղահանված և Վայոց ձորի մարզում բնակություն հաստատած անձանց հետ հանդիպումները կրում են շարունակական բնույթ։
Հանդիպումների հերթական շարքն այս անգամ ընդգրկում էր Վայք համայնքի մի շարք բնակավայրեր, մասնավորապես Ազատեկ և Զառիթափ բնակավայրերում մարզպետի աշխատակազմի առողջապահության և սոցիալական ոլորտի հարցերի վարչության պետ Վասիլ Ասլանյանը տեղահանվածների հետ քննարկել է մի շարք հարցեր։
Վայք բնակավայրում ապրող տեղահանվածների հետ հանդիպել են մարզպետի տեղակալ Արսեն Խաչատրյանը և առողջապահության և սոցիալական ոլորտի հարցերի վարչության պետ Վասիլ Ասլանյանը։
Հանդիպումների ժամանակ ներկայացվել է տեղեկատվություն 2025 թվականին նախատեսվող պետական աջակցության ծրագրերի, շահառուների խմբերի, այլ առանձնահատկությունների մասին։
Պատկան մարմինների ներկայացուցիչները անդրադարձել են նաև այլ հարցերի՝ բնակապահովման և զբաղվածության ծրագրեր, կենցաղային պայմանների բարելավում, օգնության տարբեր ծրագրերի իրականացում, համայնքների ենթակառուցվածքներ և զբաղվածության հնարավորություններ և այլն։
Նրանք պարզաբանումներ են տվել քաղաքացիների բարձրացրած տարաբնույթ հարցերին, լսել նրանց մտահոգությունները։
Պատկան մարմինների ներկայացուցիչները նշել են, որ արձանագրված խնդիրները պետական կառավարման և տեղական ինքնակառավարման մարմինների իրավասությունների շրջանակներում կստանան համապատասխան լուծում:
