Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Երկրաշարժի մասին իրազեկման միջոցառումներ Վայոց ձորի մարզի մի շարք դպրոցներում
13.12.2024
,,Աղետներին դիմակայության օր,, խորագրով համապետական միջոցառումների շրջանակներում ՀՀ Վայոց ձորի մարզպետի աշխատակազմի կրթության, մշակույթի և սպորտի վարչության համակարգմամբ և ՀՀ ՆԳՆ ՓԾ Վայոց ձորի մարզային փրկարարական վարչության կողմից Վայոց ձորի մարզի Եղեգնաձորի թիվ 1 և 2 հիմնական , Գլաձորի, Զառիթափի, Ջերմուկի թիվ 1 միջնակարգ և Վայքի ավագ դպրոցներում անցկացվեցին ,,Երկրաշարժի ժամանակ բնակչության վարվելակերպի կանոնները,, թեմայով սեմինար և <<Երկրաշարժի ժամանակ դպրոցի անձնակազմի և աշակերտների տարհանում>> թեմայով գործնական պարապմունք /վերջինս՝ Գլաձորի և Զառիթափի միջնակարգ դպրոցներում/։
Սեմինարների ժամանակ աշակերտները դիտել են համապատասխան տեսանյութը, ապա ՀՀ ՆԳՆ ՓԾ Վայոց ձորի մարզային փրկարարական վարչության աշխատակիցները ներկայացրել են երկրաշարժի ժամանակ քաղաքացիների համարժեք գործողությունների և ճիշտ կողմնորոշվելու, անվտանգության կանոնների պահպանման և այլ առաջնահերթություններ՝ միաժամանակ ընդգծելով այդ ամենի մասին նախապես իրազեկված լինելու և խուճապի չմատնվելու կարևոր հանգամանքները:
Այնուհետև ծավալվել է հարց ու պատասխան բանախոսների և աշակերտների միջև ոչ միայն երկրաշարժի, այլև տարբեր արտակարգ իրավիճակներում համապատասխան վարքի և գործողությունների մասին:Փրկարարական ծառայության աշխատակիցները պարզաբանումների ժամանակ տեսական դրույթներին զուգահեռ ներկայացրել են նաև կոնկրետ իրավիճակներ և օրինակներ։
