Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ ՆԳՆ Միգրացիայի և քաղաքացիության ծառայությունը շրջիկ ձևաչափով ծառայություններ է մատուցել Վայոց ձորի մարզում
10.12.2024
ՆԳՆ Միգրացիայի և քաղաքացիության ծառայության աշխատանքներն առավել արդյունավետ կազմակերպելու, քաղաքացիներին մատուցվող ծառայություններն առավել հասանելի դարձնելու, ինչպես նաև ԼՂ-ից բռնի տեղահանված անձանց` ՀՀ քաղաքացիություն ստանալու վերաբերյալ դիմումների ընդունմանն աջակցելու նպատակով դեկտեմբերի 6-ին ՀՀ ՆԳՆ Միգրացիայի և քաղաքացիության ծառայությունը շրջիկ ձևաչափով ծառայություններ է մատուցել Վայոց ձորի մարզում:
Յոթանասունից ավելի քաղաքացի Եղեգնաձորի համայնքապետարանում տեղակայված կենտրոնում ստացան տարբեր տիպի ծառայություններ: Տրամադրվել է նաև անհրաժեշտ խորհրդատվություն:
Գործընթացը պատշաճ կերպով կազմակերպելու և անխոչընդոտ անցկացնելու նպատակով ՀՀ Վայոց ձորի մարզպետի տեղակալ Արսեն Խաչատրյանի համակարգմամբ մարզպետի աշխատակազմի առողջապահության և սոցիալական ոլորտի հարցերի վարչության և Եղեգնաձորի, Արենիի, Եղեգիսի համայնքապետարանների սոցիալական աշխատակիցների կողմից կատարվել էր նախապատրաստական լայնածավալ աշխատանք հնարավոր շահառուների շրջանում:
Վայոց ձորի մարզպետի աշխատակազմի պաշտոնական կայքում և ֆեյսբուքյան էջում տեղադրվել էր մարզում շրջիկ ձևաչափով ծառայություններ մատուցելու մասին հայտարարություն՝ իրազեկման լայն շրջանակներ ապահովելու համար:
