Վայոց ձորի մարզպետի աշխատակազմ

   Սոցիալական ոլորտի հարգելի՛ աշխատակիցներ, շնորհավորում եմ ձեզ մասնագիտական տոնի՝ Սոցիալական աշխատողի օրվա առիթով:
Սոցիալական ոլորտի աշխատանքը պահանջում է աշխատակցի մասնագիտական գիտելիքների և հմտությունների, մարդկային բարձր հատկանիշների և արժեքների համատեղում։ Եվ այս պարագայում ունենում ենք ցանկալի արդյունք և ձեռքբերում։
Հասարակության կյանքի որակը բարելավելուն, տարբեր խոցելի խմբերին աջակցելուն, կյանքի դժվարին իրավիճակում հայտնված մարդկանց հուսադրելուն և հոգսերին ապրումակցելուն ուղղված ձեր անմնացորդ ջանքերն արժանի են բարձր գնահատանքի և հարգանքի։
   Ձեր արդյունավետ աշխատանքով և ճկուն մոտեցումներով, աշխատանքային պարտականությունները պատշաճ մակարդակով կատարելու պատրաստակամությամբ շարունակում եք ընդլայնել հասարակության վստահությունը սոցիալական համակարգի և պետության՝ քաղաքացու սոցիալական շահը կարևորելու քաղաքականության նկատմամբ։
   Սոցիալական ոլորտի հարգելի՛ աշխատակիցներ, մասնագիտական օրը առիթ է մեկ անգամ ևս երախտագիտություն հայտնելու ձեզ ամենօրյա բարդ և արժանապատիվ, պատասխանատու և մարդասիրական աշխատանքի համար։
   Ցանկանում եմ ձեզ շարունակական կատարելագործում մասնագիտական աշխատանքում, ուժ և եռանդ՝ մարդկանց սատարելու առաքելությունում։